Almatyda ınfektsııalyq aýrýhanaǵa 10 kereýet syıǵa berildi

ALMATY. QazAqparat – «AıALA» qaıyrymdylyq qorynyń prezıdenti Aıdan Súleımenova Qazaqstanda COVID-19 aýrýymen kúresýge kómek kórsetý úshin quny 30 mln teńge bolatyn 10 jańa zamanaýı kópfýnktsıonaldy kereýetti Almaty qalasynyń Qalalyq klınıkalyq juqpaly aýrýlar aýrýhanasynyń jansaqtaý bólimine syılady, dep habarlaıdy QazAqparat tilshisi.

«Bizdiń qor bul jabdyqty jansaqtaý bóliminiń koronavırýspen aýyrǵan naýqastarǵa jyldam kómek kórsetý úshin berip otyr. Biz tek kúsh biriktirý arqyly ǵana dárigerlerimizdiń jańa vırýspen kúreste jeńiske jetýine kómek bere alatynymyzǵa senimdimiz. Infektsııany tek jabdyqpen nemese qarajatpen ǵana jeńe almaımyz. Kóbinese bul árbir qazaqstandyqtyń ózin-ózi oqshaýlaýǵa - COVID-19 taralýyna qarsy is-qımyldyń neǵurlym tıimdi tásiline jaýapkershilik tanytýyna baılanysty bolady. Men búkil qazaqstandyqtarǵa zor densaýlyq, al bizdiń qurmetti dárigerlerimiz-juqpaly aýrýlar mamandaryna – pandemııany tezirek jeńip shyǵý úshin úlken kúsh-qaırat tileımin», - dedi Aıdan Súleımenova.

Chehııa men Polshada jasalǵan zamanaýı jabdyq avtomatty túrde rettegishpen jabdyqtalǵan.

Kereýetter arqa sektsııasyn amortızatsııalaý arqyly ókpe men júrek reanımatsııasyn júrgizýge múmkindik beredi. Akkýmýlıatorlyq batareıalar tipti elektr bolmaǵan jaǵdaıda da jansaqtaý is-sharalaryn úzdiksiz júrgizýdi qamtamasyz etedi.