Almatyda ınfektsııa oshaqtarynda qalǵandardyń jalaqysy saqtalady
ALMATY. QazAqparat – Almatyda Іshki karantın jarııalandy. Qalada ınfektsııa oshaqtarynda qalǵan azamattardyń jumys orny saqtalyp, ýaqytsha emdelý demalysyna jiberiledi. Bul týraly búgin onlaın konferentsııa barysynda ákimdik ókilderi aıtty, dep habarlaıdy QazAqparat tilshisi.
QR Prezıdentiniń «Qazaqstan Respýblıkasynda tótenshe jaǵdaı jarııalaý» Jarlyǵyn oryndaý maqsatynda, koronavırýs ınfektsııasynyń taralýymen kúresý shtabynyń sheshimimen jáne Almaty qalasyndaǵy bas memlekettik sanıtarlyq dárigerdiń №8 úkimimen qala aımaǵynda karantın jarııalandy.
Jańa karantındik jaǵdaıǵa sáıkes qala ishindegi turǵyndardyń turmysy arnaıy rejimge ótedi. Infektsııany juqtyrǵandar turatyn páterler oqshaýlanyp, barlyq aýmaq zalalsyzdandyrylady.
Atap ótetin jaıt, barlyq menshik úlgisindegi kásiporyndar men mekemeler COVID-19 vırýsyn juqtyrǵandarmen baılanysyp, oqshaýlaýda qalǵan azamattardyń jumys orny men eńbekke jaramsyzdyq paraǵy boıynsha járdemaqysyn tóleýge mindetti.
Shekteý nemese tekserý sharalaryn ótkizý barysynda saqtyq sharalaryna erekshe mán beriledi. Qalalyq arnaıy qyzmet mekemeleriniń ókilderi jeke basty qorǵaý quralarymen jabdyqtalyp, blok beketterde tazalyq saqtaý qurylǵylary ornatylady.
Sonymen qatar, úı karantınin saqtamaǵandar QR zańnamasyna sáıkes jaýapqa tartylady. Qala bıligi turǵyndardy tótenshe jaǵdaı rejimine túsinýshilikpen qarap, tártipke baǵynyp, asa muqtaj jaǵdaı bolmasa syrtqa shyqpaı, barlyq saqtyq sharalaryn oryndaýǵa shaqyrady.
Koronavırýs juqtyrǵandarmen baılanysta bolǵandar:
- turǵylyqty úıinde nemese jumys ornynda vırýs juqtyrýshymen sońǵy kezdesken ýaqyttan bastap ınkýbatsııalyq kezeń boıyna (14 kún ) ózin-ózi oqshaýlaý rejimin qatań saqtaý (úı karantıni, syrtqa shyǵýǵa tyıym salynady) qajet.
- otbasy músheriniń densaýlyǵyn jiti baqylaýda ustaǵan jón.
- JRVI (dene qyzýy, tumaý, jótel) belgileri baıqalǵan jaǵdaıda jedel járdem shaqyrýy tıis.
Suraq boıynsha táýlik boıy qyzmet kórsetetin koll ortalyq– 1406 jáne Open Almaty – 1308 nómirlerine habarlasýǵa bolady. Eger aýrýdyń asqynǵan belgisi anyqtalǵan jaǵdaıda jedel túrde 382-33-50 nómiri boıynsha qalanyń sanıtarlyq-epıdemıologııalyq qyzmetine habarlasý kerek.
Resmı aqparattardy Almaty qalasy ákimdigi saıty men áleýmettik jelidegi paraqshalarynan alýǵa bolady. Qosymsha aqparat StopcovAlmaty Telegram paraqshasynan tabasyzdar.
Eske salaıyq, 19 naýryzdar bastap Nur-Sultan jáne Almaty qalalarynda karantın jarııalandy. Qalaǵa turǵyndardyń kirip-shyǵýy shekteldi.
