Almatyda «Ine-jip» atty kórme ótedi
ALMATY. Naýryzdyń 29-y. QazAqparat /Názıra Eleýhan/ - Almatyda «Retro» galereıada naýryz aıynyń 31-i kúni, atalmysh galereıanyń 18 jyldyǵyna arnalǵan «Ine-jip» atty kórme ótedi,
dep habarlaıdy QazAqparat.
Kórmege balalar sýretteri men keste jumystary qoıylady. "Keste tigý óneri qazir qaıta jandanyp keledi. Ondaı óner túrine arnalǵan arnaıy saıttar, ınternet dúkender, jeke basylymdar da bar. Meniń ózim keste tigýdi qaıta bastadym, kishi nemerem de ıneni qolyna alyp, menen úırenip júr", dedi «Retro» galereıasynyń dırektory Nadejda Polonskaıa.
Onyń aıtýynsha, kórmedegi ekspozıtsııalar tereń oıdy kórsetýge tyryspaıdy. «Biz jaı ǵana árkimniń aınalysýyna múmkindigi bar qyzyǵýshylyqty, óz qolymyzdan shyqqan týyndylardy kórermen nazaryna usynyp, kórsetkimiz keledi», dedi Nadejda Polonskaıa.
