Almatyda indet juqtyrǵandar sany kúzge qaraı azaıýy múmkin
ALMATY. QazAqparat - Almatynyń bas sanıtar dárigeri Jandarbek Bekshın onlaın brıfıng barysynda «úndi» shtamy boıynsha aldaǵy eki aıǵa boljam jasady, dep habarlaıdy QazAqparat tilshisi.
Jandarbek Bekshın tamyz, qyrkúıek aılaryna boljamyn aıtty.
«Árıne, aýrý deńgeıine boljam jasap otyramyz. Naýqastar sany eń kóp bolatyn kezeń - tamyzdyń basy men ortasy. Sondyqtan vırýs juqtyrǵandar sany qyrkúıektiń basynda azaıady dep otyrmyz», - dedi Jandarbek Bekshın.
Ol qala turǵyndary men qonaqtaryn halyq kóp jınalatyn oryndarǵa barmaýǵa, áleýmettik qashyqtyq pen betperde rejımin saqtaýǵa shaqyrdy.
Buǵan deıin ol Almatyda epıdemıologııalyq jaǵdaıdyń kúrdelene túskenin jáne aýrý eki esege óskenin aıtqan bolatyn.
