Almatyda indet juqtyrǵan naýqastardy aýrýhanaǵa jatqyzý jáne aýrýdy basqarý modeli tanystyryldy
ALMATY. QazAqparat– COVID-19 vırýsyn juqtyrǵan naýqastardy aýrýhanaǵa jatqyzý jáne aýrýdy basqarý modeli aldaǵy jaǵdaıdy boljaý jáne aýrýhanaǵa jatqyzý júıesin basqarý úshin jasalǵan, dep habarlaıdy QazAqparat tilshisi.
Almaty qalalyq Qoǵamdyq densaýlyq saqtaý basqarmasynyń málimetinshe, baǵdarlama densaýlyq saqtaý júıesiniń barlyq deńgeıine negizdeledi jáne naýqastardy statsıonarlarǵa durys bólýdi kózdeıdi. Bul protsestegi negizgi retteýshi jedel medıtsınalyq kómek bolyp tabylady, olar shaqyrý túsken soń aýrýdyń aýyrlyq dárejesin anyqtap, eger aýrýdyń jeńil túri bolsa naýqastardy emhanalarǵa jiberip, al ınfektsııanyń qıyn túri bolǵan jaǵdaıda aýrýhanaǵa jatqyzýy kerek.
Qazirgi ýaqytta Almaty qalasynda 6000 tósek-oryn ashylǵan, ony taǵy da 1000 tósek-orynǵa arttyrý josparda bar. Bul rette, aýrýdy basqarý modeline sáıkes, densaýlyq saqtaý júıesindegi kollaps kezinde táýligine 500 adam aýrýhanaǵa jatqyzylýy múmkin. Al statsıonarlar 70% tolyq bolǵanda qatań shekteý sharalaryn engizý qajettiligi týyndaıdy.
«6000 tósek-oryn bolǵandyqtan bizdiń mindet táýligine aýrýhanaǵa túsetin adamdar sanyn 350-den asyrmaý. Bul óte mańyzdy, óıtkeni eger aýrýhanaǵa túsken naýqastar sany kóbeıgen kezde ýaqtyly sharalar qabyldanbasa, onda júıe quldyraýy (kollaps) múmkin. ıAǵnı, aýrýhanaǵa túsetinder sany kúnine 500-ge deıin jetýi múmkin, buǵan biz jol bermeýimiz qajet. Bul statsıonarlardaǵy bizdiń áriptesterimiz úshin aýyr júkteme bolmaq jáne tósek-oryn rezervteri de, sheksiz emes»,– dep atap ótti Kamaljan Nadyrov.
Statsıonarlardyń qabyldaý múmkindigin baqylaý úshin bos tósek-oryn qorynyń turaqty monıtorıngi jasalady. Sonymen qatar, koronavırýs ınfektsııasy bar naýqastarǵa sapaly medıtsınalyq kómek kórsetý úshin tósek aýysymy aıyna 3 adam deńgeıinde bolýy kerek.
«Statsıonarlar 70% paıyzǵa tolyq bolǵan kezde biz aýrýhanaǵa jatqyzý deńgeıin tómendetýge jáne yńǵaıly jaǵdaıda jumys isteýge múmkindik beretin qatań shekteý sharalaryn engizýge májbúr bolamyz. Bul statsıonarlyq deńgeıde sapaly emdeý múmkindigin beredi. Dál osy deńgeıde shekteý sharalary yńǵaıly, bul degenimiz kásibimizdiń tutastaı jabylmaýyna, biraq belgili bir shekteýler jaǵdaıynda jumys isteýimizge múmkindik. ıAǵnı, ekonomıkalyq belsendilikti qalpyna keltiredi», – deıdi qalalyq Qoǵamdyq densaýlyq saqtaý basqarmasynyń basshysy Kamaljan Nadyrov.
