Almatyda indet oshaqtaryn 500-ge jýyq polıtsııa kúzetýde
ALMATY. QazAqparat – Almatyda indet oshaqtaryn 500-ge jýyq polıtsııa kúzetedi, dep habarlaıdy QazAqparat tilshisi.
Almaty qalalyq Polıtsııa departamentiniń málemetinshe, karantın kezinde jaıaý baǵyttaǵy tártip saqshylary eki aýsymmen jumys istep jatyr. Oǵan 2828 adam tartyldy. Onyń ishinde 1616 polıtsııa, 138 áskerı qyzmetker, ІІM Akademııasynyń 100 oqytýshysy, arnaıy kúzet qyzmeti basqarmasynyń 50 mamany, qylmystyq-atqarý júıesi departamentiniń 14 ókili jáne Ulttyq ulanan 990 áskerı qyzmetker bar.
«Jalpy karantın rejımin qadaǵalaýǵa 5330 adam tartyldy. Sonymen qatar, jedel shtabtyń buıryǵyna sáıkes, 19 naýryzdan bastap polıtsııa qyzmetkerleri karantındik aımaqtar men indet oshaqtaryn qorshaýǵa alýda. Koronavırýs shyqqan mekenjaılardy 481 polıtsııa qyzmetkeri kúzetip, qoǵamdyq tártipti qamtamasyz etedi», - deıdi Almaty qalalyq PD basshysy Qanat Taımerdenov.
