Almatyda ımamdardyń aımaqtyq forýmy ótti

ALMATY. QazAqparat – Almatyda «Rýhanı qundylyqtar – qoǵam birliginiń negizi» atty aımaqtyq ımamdar forýmy ótti. Onda jaqynda ǵana elorda tórinde qabyldanǵan Qazaqstan musylmandarynyń «Jeti rýhanı qazyq» tuǵyrnamasy talqylandy, dep habarlaıdy QazAqparat tilshisi.

Forýmǵa Almaty qalasy ákiminiń orynbasary Erjan Babaqumarov, Qazaqstan musylmandary dinı basqarmasynyń tóraǵasy, bas múftı Serikbaı qajy Oraz qatysty.

Shara barysynda Almaty qalasy ákiminiń orynbasary Erjan Babaqumarov qoǵam men dinı qyzmetkerler aldynda, óskeleń urpaqty patrıotızm men otansúıgishtik rýhta tárbıeleý mindeti turǵanyn atap ótti.

«Jastar destrýktıvti ıdeıalardyń jeteginde ketpes úshin dinı qyzmetkerler qaterdiń aldyn alyp, túsindirý jumystaryn keńinen júrgizýde», - dedi Almaty qalasy ákiminiń orynbasary Erjan Babaqumarov.

Forýmǵa negiz bolǵan «Jeti rýhanı qazyq» tujyrymdamasy kópshilikten jan-jaqty qoldaý taýyp jatyr. Igi basqosý tórinen oryn alǵan ǵalymdar men dinı qaıratkerler qoǵamdaǵy rýhanı qundylyqtardyń mán-mańyzyna aıryqsha toqtaldy.

«Patrıotızm Otanǵa, ana tiline, dástúr men mádenıetke degen qurmetten bastaý alady. Patrıotızmniń shyńy – óz ultyńa degen súıispenshilik»,- dedi forým barysynda Serikbaı kajy Oraz.