Almatyda Imagine Cup baǵdarlamalyq jobalar baıqaýynyń jartylaı fınaly ótýde

Jeńimpaz top aımaqtyq on-laın jartylaı fınalyna qatysý múmkindigine qol jetkizip, onyń fınalynda jeńip shyqqan jaǵdaıda, Qazaqstan atynan Nıý-Iorktegi fınalǵa qatysýǵa attanatyn bolady.

«Imagine Cup stýdentter arasyndaǵy álemdegi eń iri tehnologııalyq jarystardyń biri bolyp tabylady. Osy jarystyń Qazaqstandaǵy tanymaldyǵy jyldan jylǵa artyp otyrǵandyǵy bizdi qýantady. Týrnırde usynylǵan jobalardyń kúrdeliligi bizdiń stýdentterdiń tehnologııalyq jaǵynan damyǵan elderge laıyqty básekelestik kórsete alatyndyǵyn ańǵartady. Bul jobalar bolashaqta sátti kommertsııalyq jobalarǵa aınalý múmkindigine ıe», - dep atap ótti Microsoft Qazaqstan kompanııasynyń Ázirlemeler tehnologııasy jónindegi sarapshysy Andreı Andreev.

Baǵdarlamalyq jobalar baıqaýyna qatysýshylar Imagine Cup-tyń «Dúnıejúzindegi asa mańyzdy qazirgi zamanǵy máselelerdi sheshýge kómektesetin tehnologııalar álemin elestetińiz» dep atalatyn taqyrybyna sáıkes keletin baǵdarlamalyq sheshimderdi ázirlegen. Qatysýshylar Birikken Ulttar Uıymynyń "Kedeıshilik pen asharshylyqtyń eń tómengi shegin joıý», "Jalpyǵa birdeı bastaýysh bilimmen qamtamasyz etý", "Erler men áıelder arasyndaǵy teńdikti yntalandyrý jáne áıelderdiń quqyǵy men múmkindikterin keńeıtý", "Balalar arasyndaǵy ólim-jitimdi qysqartý" jáne taǵy basqa kókeıkesti máseleler boıynsha jumys jasady.

«Ónertapqyshtar - ózge ólshemdi kóre alatyn adamdar dep aıtady. Qazirgi zamanǵy álem bul - tehnologııalar álemi. Biz ózimizdiń jáne ózge adamdardyń ómirin jaqsartý úshin qoldanyp otyrǵan dúnıelerdiń barlyǵy - san alýan, túrli tehnologııalar. Al solardyń ishinde eń qarqyndy damyp kele jatqany - aqparattyq tehnologııalar. Sondyqtan da dál osy saladan kezekti jetistikter, ashylýlar men ınnovatsııalardy kútý qajet. Ol úshin ne isteý qajet? Ózge ólshemdi qalaı kórýge bolady? Sirá, Imagine Cup kúndelikti jáne úırenshikti syzbalardan alshaqtap, álemge jańa jáne ózgeshe dúnıeni usynýǵa múmkindik beretin baspaldaq bolar», - deıdi HATÝ AT kafedra meńgerýshisi Ravıl Muhamedıev.

Baıqaýǵa usynylǵan jumystardy AT-qaýymdastyǵy, ýnıversıtetter men Microsoft Qazaqstan ókilderi baǵalaıdy. Atap aıtqanda, ádilqazylar quramyna HATÝ rektory Damır Shynybekov, T. Rysqulov atyndaǵy Qazaq ekonomıkalyq ýnıversıtetiniń Aqparattyq tehnologııalar ortalyǵy dırektory Roza Dosmuhanbetova, Alatau IT City Aqparattyq tehnologııalar parkin damytýdy qoldaý jónindegi Qaýymdastyq prezıdenti Ámiret Qonysbaev jáne Microsoft Qazaqstan Ázirlemeler tehnologııalary jónindegi sarapshysy Andreı Andreev enip otyr.

Sondaı-aq jarys barysynda «Baǵdarlamalyq jobalar ázirlemesi» atalym jeńimpazy men salaaralyq baıqaý jeńimpazy anyqtalatyn bolady. Jergilikti jartylaı fınal jeńimpazdaryna júlde retinde netbýkter syılyqqa tartylyp, qalǵan qatysýshylarǵa yntalandyrý syılyqtary beriledi.