Almatyda Іlııas Súleımenovtyń zergerlik kórmesi ashyldy
sp;ALMATY. Qarashanyń 20-sy. QazAqparat / Ádilet Musahaev / - Búgin Almatyda sýretshi-zerger Іlııas Súleımenovtyń «Gaýhar sımfonııasy» atty zergerlik óner kórmesi ashyldy,
dep habarlaıdy QazAqparat.
Sýretshi 1995 jyly Parıjde zergerlik «Bıjork» sessııasynyń 100 jyldyǵynda laýreat dıplomy men 2005 jyly Jenevada Halyqaralyq Karl Faberje júldesi sııaqty dúnıejúzilik kásibı júldelermen marapattalǵan.
Ol zergerlik ónerde myńjyldyqtarmen qalyptasyp kelgen, ulttyq naqysh ereksheliginde jasalǵan «Eýrazııalyq etnomodern» túkpilikti jańa stılin jasady. Súleımenovtyń kollektsııalary ótken jyly Venada Qazaqstandy EQYU keńesine usyný sheńberinde kórsetilgen bolatyn. Eýropalyq zııalylarǵa Qazaqstannyń qazirgi qol óneri kórsetilip, kollektsııa óziniń ereksheligimen aıqyndalǵan bolatyn. Sheberdiń avtorlyq jumystary Reseı, Shveıtsarııa, Lıhtenshteın men Frantsııa jáne taǵy basqa elderdiń kórmelerin bezendirip tur.
«Shet elde bolǵan bizdiń qyz-kelinshekter frantsýzdardy, nemese nemisterdi álemdik brendtermen tań qaldyrý múmkin emes ekendigin túsingen sııaqty. Adamdar eshkimge uqsamaıtyn daralyqty seziný úshin, óziniń ulttyq áshekeılerin kıip júrse keremet bolar edi», deıdi zerger.
