Almatyda IKU-nyń jumysy týraly monografııa tanystyryldy
ALMATY. 23 maýsym. QazAqparat /Aıgúl Turysbekova/ - Búgin Almatyda Qazaqstannyń Strategııalyq zertteýler ınstıtýtynda «Qazaqstan jáne Islam konferentsııasy uıymy» ujymdyq monografııasynyń tanystyrylymy ótti.
Instıtýttyń ǵylymı hatshysy, dotsent L.Qarataevanyń aıtýynsha, monografııa Islam konferentsııasy uıymynyń jumysyna, sondaı-aq Qazaqstannyń atalmysh uıymmen aradaǵy qarym-qatynasyna arnalyp otyr. Kitapta zamanaýı ıslam álemi men musylman memleketterin úılestirýshi ortalyq retindegi Islam konferentsııasy uıymynyń problemalary, aımaqtyq jáne ekijaqty yntymaqtastyqtyń ózekti máseleleri, Qazaqstannyń Islam konferentsııasy uıymyna tóraǵalyǵy zerttelgen.
Basylym saıasattanýshylarǵa, halyqaralyq qatynaspen aınalysatyn mamandarǵa, memlekettik qyzmetkerlerge, joǵary oqý oryndarynyń oqytýshylary men stýdentterine, sondaı-aq osy máselemen aınalysatyn basqa da oqyrmandarǵa arnalyp otyr.
