Almatyda ıisshil ıt iz-túzsiz joǵalǵan áıeldiń denesin tapty
ALMATY. QazAqparat – Almatyda Ulttyq ulan sarbazdaryniń ıisshil ıti 14 kún buryn joǵalyp ketken áıeldiń denesin tapty, dep habarlaıdy QazAqparat tilshisi.
«23 qyrkúıek keshki 16.30 shamasynda Ulttyq ulanǵa qarasty 5571 áskerı bóliminiń jedel maqsattaǵy batalony 2-rotasynyń sarbazdary, qatardaǵy jaýynger Bekaslan Joldas pen Azamat Mahan, kınologııalyq qyzmet efreıtory Erkebulan Ómirzaqov «Naıts» atty ıtimen izdeýge shyqqan bolatyn. Kınolog maman ıtke joǵalǵan áıeldiń kıimin ıisketip, bos qoıa berdi», - dep málim etti QR Ulttyq ulan «Ońtústik» óńirlik qolbasshylyǵynyń baspasóz qyzmetinen.
Іz kesý kezinde ıt Býtakovka ózeninen 30 metr qashyqtyqta toqtap, úrip, adamdardy shaqyra bastaǵan.
Iisshil ıt kórsetken jerden joǵalǵan áıeldiń denesi tabyldy.
