Almatyda ІІІ qaıyrymdylyq baly ótedi
ALMATY. 23 aqpan. QazAqparat /Názıra Eleýhan/ - Almatyda 14 mamyr kúni Almaty Towers-tiń bal zalynda ІІІ qaıyrymdylyq baly ótedi. Bul týraly búgin Almatyda ótken arnaıy baspasóz máslıhatynda habarlandy.
Atalmysh sharanyń uıymdastyrýshysy, «Eventica Group» kompanııasynyń bas dırektory Marat Omarovtyń aıtýynsha, úshinshi ret ótkiziletin klassıkalyq áýen men ásemdik meıramy arýlar kóktemgi shýaǵynan lázzat alý jáne bar sán-saltanatymen kórinýi úshin bıyl kóktemde ótkizilmek. «Endi bizdiń balymyz «Eń úlken jáne eń juldyzdy» ǵana emes, «eń kóktemdi» degen ataýǵa ıe bolady. Bıyl da bizdiń kompanııa toby kóptegen syılyqtardy syıǵa tartýǵa daıyn», - dedi ol.
Onyń aıtýynsha, dástúr boıynsha, saltanatty keshke álemge tanymal juldyzdar qatyspaq. «Bıylǵy balǵa ańyzǵa aınalǵan ıtalııandyq ánshi Robertıno Lorettı, jańa djaz stılinde oınaıtyn, álemge tanymal, Italııa eliniń «Gabin» toby qatysady, sonymen qatar álemdegi eń áıgili soprano, ıÝNISEF-tiń halyqaralyq izgi nıet elshisi Marııa Gýlegına óz qatysýymen qurmet kórsetedi. Osy joly balǵa 60 jup qatysatyn bolady. Debıýtanttar retinde keshke jas kıno ártisteri Ánýar Nurpeıisov, Maksım Akbarov, tanymal ánshi Álisher Kárimov, álem elderiniń bılerin sheber oryndaýshy Ánel Nurseıitova qatysady. Keshtiń qyzyqty ótýi úshin bıyl úlken mádenı sharany eki emes, úsh konferense júrgizetin bolady. Olar - Reseıdiń halyq ártisi Svıatoslav Belza, qazaqstandyq aktrısa Qarlyǵash Muhamedjanova men baldyń bas baletmeısteri Gedemınas Taranda. Bal qonaqtarynyń ótinishteri boıynsha memlekettik sımfonııalyq orkestrdi qazaqstandyq tyńdarmandardyń kóńilin baýraǵan Marıýs Stravınskıı men Vag Papıan bıyl da basqaratyn bolady»,-dedi Marat Omarov.
Onyń aıtýynsha, ótken jylǵy qaıyrymdylyq Baldan 3 mıllıon teńge balalar qoryna aýdarylǵan. «Osy jyly da biz bılet satylymynan túsken tabystyń bir bóligin Qazaqstandaǵy ıÝNISEF baǵdarlamalary aıasynda múmkindikteri shektelgen balalar qoryna aýdaramyz. Bıyl biz onyń kólemin arttyrýdy josparlap, 7,5 mıllıon teńgeni aýdarýdy kózdep otyrmyz», - dep atap ótti ol.
Esterińizge sala ketsek, І-shi baldan túsken qarajat eki fızıoterapııa kabınetterin jasaýǵa jumsalǵan bolatyn.
Uıymdastyrýshylardyń aıtýynsha, búginnen bastap bal bıletteri satylymǵa túsedi. Bılettiń baǵasy burynǵydaı 50, 80 jáne 120 myń teńge bolmaq. Bıletterdi «Eventica» kompanııasynyń saıty arqyly nemese +7 727 319 30 30 telefony boıynsha satyp alýǵa bolady.
