Almatyda ІІІ Halyqaralyq opera jáne balet festıvali ótedi
ALMATY. 12 maýsym. QazAqparat - Almatyda 20-24 maýsym kúnderi ІІІ Halyqaralyq opera jáne balet festıvali ótedi. Abaı atyndaǵy memlekettik akademııalyq opera jáne balet teatrynda bolatyn dástúrli bul sharanyń uıymdastyrýshysy
«Qazkommertsbank» AQ-y. Qonaqtardyń arasynda ıtalııandyqtardan dırıjer - Marko Balderı, tenor - Antonıno Interızano, soprano - Krıstına Pıperno, Ońtústik Koreıadan tenor - Lı Von Iong pen soprano - Iong Mı Kım, Ulybrıtanııadan Kovent-Garden koroldik teatrynyń prıma-balerınasy Roberta Markec Barbosa, Aǵylshyn ulttyq baletiniń premeri - Arıonel Pılerno bar. Onda qazaqstandyqtardan QR Halyq artısi Nurjamal Úsenbaeva, QR Eńbek sińirgen qaıratkerleri Jamıla Baspaqova, Saýle Rahmedova, Bolat Jomartov, Beıimbet Qojabaev, Abaı atyndaǵy memlekettik akademııalyq opera jáne balet teatrynyń jetekshi solısteri Farhad Býrıev, Dáýren Jeńis jáne taǵy basqa óner sheberleri qatyspaq. Baǵdarlamaǵa «J.Pýchchınıdiń «Bogema», Turandot hanshaıym» operalary, B.Eıfmannyń «Anna Karenına», P. Chaıkovskııdiń «Aqqý kóli» baletteri enip otyr.
