Almatyda ІІD bastyǵy esep berdi
ALMATY. 14 qyrkúıek. QazAqparat /Názıra Eleýhan/ - Búgin Almatyda Almaty qalasynyń ІІD-niń bastyǵy Erlan Turǵymbaev máslıhat depýtattarynyń aldynda aǵymdaǵy jyldyń 8 aı ishindegi qylmystyq ahýal jaıynda jáne atqarylǵan jumystar týraly esep berdi.
Onyń aıtýynsha, Almaty qalasynda qylmys deńgeıi basqa qalalarmen salystyrǵanda óte tómengi deńgeıde.
"Barlyq qylmystyń baǵyttary boıynsha qylmys deńgeıiniń tómendeýi baıqalady. Sońǵy jyldarda qalanyń krımınagendik jaǵdaıyn baqylaýǵa aldyq. Sonyń nátıjesinde, atyshýly qylmystardyń beti ashyldy. Asa aýyr qylmystardy ashý kórsetkishteri jaqsardy. Ótkizilgen is-shara barysynda izdeýde bolǵan 648 qylmyskerdiń 192-si quryqtaldy. Bunymen qatar, izdeýde júrgen 263 qylmyskerdiń 153-i - elimizdiń túrli aımaqtarynda, 110-y TMD elderinde, 1-i - alys shetelde ustaldy. Olardyń qatarynda - tonaýshylar, qaraqshylar, dinı ekstremıstik uıymdardyń basshylary bar. 8 aı ishinde 820 izdeý tapsyrmalary oryndaldy",-dedi Erlan Turǵymbaev.
