Almatyda ІІD 120 ardageri qaza bolǵan polıtseılerdiń eskertkishine gúl shoqtaryn qoıdy (FOTO)

ALMATY. QazAqparat - Almatyda Іshki ister organdarynyń 120 ardageri qaza bolǵan polıtseılerdiń eskertkishine gúl shoqtaryn qoıdy. Olardyń 21-i Uly Otan soǵysyna qatysqan.

«Ardaqty UOS jáne tyl ardagerleri! Jeńistiń jetkenine 71 jyl toldy. Biz óskeleń urpaq atalarymyzdyń erligin eshqashan umytpaımyz. Otanǵa degen mahabbat, eline degen qurmet sııaqty qundylyqtar eki býyn urpaǵynyń arasyn jalǵap jatyr», - dedi ІІD basshysy Serik Kúdebaev.
ІІD basshysy 9-mamyr Jeńis kúniniń ózektiligi jyl ótken saıyn arta túsetindigin jetkizdi. «Fashızmdi jeńý tek birlik pen ulttar dostyǵynyń arqasynda múmkin bolǵany aqıqat. Sol ózara birlikti tý etken, jaýǵa qarsy tize qosyp kúresken atalarymyzdyń erligi bolmasa, osy táýelsizdikke qol jeter me edi, kim bilsin?!», - dep qorytyndylady sózin ol.
Resmı bólimnen soń ІІD óner ujymdary ardagerlerge arnap syı-syıapat tabystap, kontsert uıymdastyrdy.