Almatyda ІІ «StrahOFF!» Qazaqstan kınofestıvali bolyp ótti
ALMATY. 14 qarasha. QazAqparat /Názıra Eleýhan/ - Almatyda ótken demalys kúni «Tsezar» kınoteatrynda saqtandyrý men táýekelderdi basqarýǵa arnalǵan Qazaqstandaǵy biregeı is-shara - «StrahOFF!» ІІ Qazaqstan kınofestıvali bolyp ótti.
Atalmysh sharanyń uıymdastyrýshylary - «Eýrazııa» saqtandyrý kompanııasy jáne Oleg Boretskııdiń kınoklýby.
Táýekelderdi basqarý búgingi tańda ózekti ekenine qaramastan, ol áli de tutynýshylardyń kópshiligi úshin naqty jumys isteıtin qural emes, jańadan engen termın retinde qalyp otyr. Sondyqtan da Kınofestıval uıymdastyrýshylary saqtandyrý men táýekelderdi basqarý ereksheligin KINO arqyly qyzyqty etip túsindirip, kásibı tanystyrý bastamasyn óz qolyna alyp otyr.
Joba uıymdastyrýshylarynyń aıtýynsha, jyl ótken saıyn tanymaldylyǵyn joǵaltpaıtyn kıno, saqtandyrý jáne táýekelderdi basqarý sııaqty kúrdeli, alaıda búgingi kúnniń mańyzdy máselesine tutynýshylardyń nazaryn aýdarta alady.
Festıval aıasynda keń taraǵan saqtandyrý jaǵdaılaryn beıneleıtin túrli janr men aıryqsha jarqyn sıýjetter negizinde jasalǵan fılmderdiń eksklıýzıvti kórsetilimderi bolyp ótti. Sonymen qatar kesh barysynda saqtandyrýǵa qatysty sahnada bolyp jatqan oqıǵaǵa kórermenniń tikeleı qatysýy arqyly tosyn teatr qoıylymdary, fotosessııalar jáne taǵy da basqa kóptegen sharalar uıymdastyryldy.
Uıymdastyrýshylardyń aıtýynsha, mundaı is-sharalar tutynýshylardyń qarjylyq saýatyn kóterýge jáne olardyń múddelerin qorǵaý arqyly qarjylyq sektordy damytýǵa oń yqpalyn tıgizbek. Sondyqtan da jobany bastama etip kótergender bul ıgi is aldaǵy ýaqytta da jalǵasyn tabady deıdi.
