Almatyda ІІ-shi "Jańajyldyq marafon" event-festıvali ótedi

Bul týraly búgin Almatyda ótken baspasóz máslıhatynda atalmysh sharanyń uıymdastyrýshylary málim etti.

"Úsh kún boıǵy festıval barysynda ótken jylǵydaı ártister men mýzykanttardyń Jańa jylǵa arnaıy daıyndaǵan jańa nómirleri kórsetiletin bolady. Nómirler arasynda kásipqoılarmen qatar, debıýtti, sondaı-aq premeralyq qoıylymdar bolady. Festıvalge ár túrli salanyń ártisteri, mýzykalyq toptar men keshterdi júrgizýsheler jáne taǵy da basqa óner túrleriniń sheberleri qatysady. Satyp alýshylar, ıaǵnı jańajyldyq sharalardy uıymdastyrýshylar festıval barysynda oryndaýshylardyń ózimen, ne bolmasa prodıýsserlerimen tikeleı kezdesip, qalaǵan nómirlerge usynys jasaı alady. Ár ártis pen nómirdiń baǵasy ashyq aıtylatyn bolady. Festıvalge qatysý qonaqtar úshin de, qatysýshylar úshin de tegin bolady",-dedi jobanyń avtory Vıacheslav Nerýsh.

Onyń aıtýynsha, búginnen bastap ár salanyń óner sheberleri festıvalge qatysýǵa usynystaryn bere alady. Tolyq aqparatty chesnok.kz saıtynan bilýge bolady.

Festıvaldiń bas demeýshisi - "Headhunter - hh.kz" kompanııasy.

Esterińizge sala ketsek, alǵashqy event-festıval byltyr ótken bolatyn. Atalmysh shara jańajyldyq sharalardy uıymdastyrýshylarǵa daıyn korporatıvtik baǵdarlamalardy nemese basqa da merekelerge daıyn shoýlardy, qyzyqty nómirlerdi tańdap alýǵa múmkindik beredi.