Almatyda ІІ Respýblıkalyq pándik olımpıada ótip jatyr
ALMATY. Naýryzdyń 25-i. QazAqparat /Ádilet Musahaev/ - Atalmysh Olımpıada QR Bilim jáne ǵylym mınıstrligi men Abaı atyndaǵy Qazaq ulttyq pedagogıkalyq ýnıversıtetiniń uıymdastyrýymen joǵary oqý oryndary stýdentteriniń arasynda ótip otyr,
dep habarlaıdy QazAqparat.
Shara qazaq tili jáne ádebıeti, hımııa, georafııa, tarıh, quqyq jáne ekonomıka negizderi, beıneleý óneri jáne syzý, bastaýysh oqytý pedagogıkasy men ádistemesi sııaqty segiz mamandyq boıynsha ótýde. Oǵan 300-ge jýyq stýdent pen Almaty, Astana, Aqtóbe, Semeı, Taraz, Kókshetaý, Qyzylorda, Qaraǵandy qalalarynyń jetekshi joǵary oqý oryndarynyń oqytýshylary qatysýda.
QazUPÝ-niń rektory Serik Pirálıevtyń aıtýynsha, Elbasy bıylǵy Joldaýynda oı-sanasy joǵary, bilimi tereń, ıntellektýaldy mamandar daıyndaý el aldyndaǵy ózekti tapsyrmanyń biri ekendigin atap ótken. «Stýdentter arasynda ótetin Respýblıkalyq pándik olımpıada jastar biliminiń qanshalyqty tereń ekendigin aıqyndaıtyn bolady. Osyndaı sharalar arqyly Prezıdenttiń Joldaýyn iske asyrýǵa óz úlesimizdi qosamyz dep oılaımyn», dep atap ótti rektor.
QR UǴA akademıgi, QazUPÝ-niń professory Álııa Beısenovanyń aıtýynsha, bilimdi de bilgir jastardy daıyndaý, mektep, bilim oshaqtarynan bastalady. «Olımpıadany ótkizý arqyly qazaqstandyq stýdentterdiń bar qabiletin ashyp, elimizdiń ıntellektýaldy, óndiristi jáne ekonomıkalyq damýynda jastardyń da óz úlesterin qosa alatyndyǵyn dáleldegimiz keledi», deıdi Á.Beısenova.
Olımpıada naýryzdyń 27-ne deıin jalǵasady.
