Almatyda ІІ Qazaqstandyq ınternet aptalyǵy ótedi
ALMATY. 5 qazan. QazAqparat /Erlik Erjanuly/ - Almatyda 11-14 qazan kúnderi "KIW-2011" degen atpen ІІ qazaqstandyq ınternet aptalyǵy ótedi. Bul sharany uıymdastyrý komıtetine Qazaqstandaǵy KinoPoisk.Ru ókili Aron Lýkmanov tóraǵalyq etýde. Aptalyq aıasynda 11-13 kúnderi konferentsııa men sheberlik-synyptary men semınarlar josparlanyp otyr.
Atap aıtqanda konferentsııa jumysy "Internet-jarnama: túrleri jáne ony qoldanýdyń ınfraqurylymdary", "Aqparattyq qaýipsizdik" "Internet-BAQ", "Tehnologııalar jáne jasalymdar", "Qazaq tildi ınternet-keńistik" degen sektsııalar boıynsha ótedi. Sheterlyq-synyptary "Internet-jarnama", "Áleýmettik medıada monıtorıngti iri brendter qalaı qoldanady" degen taqyryptarmen júredi. Al semınarlar "Jańa kommertsııalyq málimetterdi óńdeý ortalyǵy", "Kontekstik jarnama - ınternettegi tıimdi ilgerileý. Kontekstik jarnamadan saýda, ýaqytty únemdeý men aqshany qalaı syǵymdaýǵa bolady", "Blogger mektebi: negizgi erejeler, tájiriıbelik jańalyqtar, korporatıvtik blog", "Bıznes úshin tıimdi ınternet-marketıng. Internette saýdany damytý úshin tájirıbelik kýrs", "Usability: qoldanýshylarǵa taldaý jáne bıznes mindeti, ınterfeısterdi jobalaý" degen taqyryptar boıynsha ótpek.
