Almatyda ıesiz qalǵan ózen arnalary anyqtaldy
ALMATY. QazAqparat – Almatyda ıesiz qalǵan 95 shaqyrym ózen arnasy anyqtaldy, dep habarlaıdy QazAqparat tilshisi.
«Qaladaǵy barlyq sý obektilerine túgendeý júrgizildi. Iesiz qalǵan 95 shaqyrym ózen arnalary anyqtaldy. Olar boıynsha arnalardy nyǵaıtý, keıbir ýchaskelerdi keńeıtý, sý basýdyń problemalyq oryndaryn boldyrmaý jáne t. b. boıynsha usynystar berildi»,– dedi Almaty qalalyq jasyl ekonomıka basqarmasynyń basshysy Natalıa Lıvınskaıa.
Onyń aıtýynsha, megopolıs aýmaǵynda 26 ózen bar, olardyń jalpy uzyndyǵy 315 shaqyrymdy quraıdy.
«2019 jyly ál-Farabı dańǵylynan Jamaqaev kóshesine deıingi Esentaı ózeniniń sý qorǵaý beldeýi men arnasyn, sondaı-aq qala shegindegi Úlken jáne Kishi Qarasý ózenderiniń sý qorǵaý beldeýleri men arnalarynyń jekelegen ýchaskelerin rekonstrýktsııalaý aıaqtaldy»,– deıdi spıker.
Bıyl «Jumyspen qamtý jol kartasy» memlekettik baǵdarlamasy sheńberinde jalpy uzyndyǵy 21,6 shaqyrym bolatyn Almaty, Tıksaı, Jarbulaq, Esentaı ózenderiniń arnalaryn rekonstrýktsııalaý jáne abattandyrý boıynsha jumystar júrgizilýde.
