Almatyda Ibragım Isaevti eske alýǵa arnalǵan bılıardtan jarys ótedi
ALMATY. QazAqparat - Almatyda «Alash» syılyǵynyń laýreaty, belgili aqyn Ibragım Isaevti eske alýǵa arnalǵan óner men tvorchestvolyq qaýym jáne jýrnalıster ókilderi arasynda bılıardtan jarys ótedi, dep habarlady qalalyq ákimdiktiń baspasóz qyzmeti.
Sporttyq jarys Beregovoı men Jandosov kósheleriniń qıylysyndaǵy «Alıans» bılıard klýbynda 21 qarashada kúndizgi 12:00-de ótedi.
Ibragım Isaev 1949 jyly 7 qańtarda Qyzylorda oblysyna qarasty Syrdarııa aýdanynyń Jetikól aýylynda týǵan. Qazaq memlekettik ýnıversıtetiniń jýrnalıstıka fakýltetin syrttaı oqyp bitirgen. Syrdarııa aýdandyq gazetinde ádebı qyzmetker, Qyzylorda oblystyq halyq shyǵarmashylyǵy úıinde nusqaýshy-ádistemeshi, Qazaqstan Jazýshylar odaǵynyń kórkem ádebıetti nasıhattaý bıýrosynda tilshi-ádisker, «Ara» jýrnalynda feletonshy, «Jalyn» almanahynda redaktor, «Sahna-Stsena» jýrnalynda bas redaktor, «Saqshy - Na straje» gazetinde, «Araı» jýrnalynda bólim meńgerýshisi bolyp qyzmet istegen.
Óleńderi birqatar shetel tilderine aýdarylǵan. «Altyn syrǵa», «Tań aldyndaǵy án», «Terbeledi qaıyńdar», «Janymnyń jaryǵy» t.b. óleńder jınaqtary jaryq kórdi.
Komı aqyny I. Kýratov, orys aqyny N. Rýbtsov óleńderin qazaqshaǵa aýdarǵan.
Ibragım Isaev myńnan asa qazaq ánder mátinderiniń avtory. Aqynnyń óleńderi bárimizge tanymal. R. Rymbaeva, M. Júnisova, B. Shókenov, N. Esqalıeva, T. Jamanqulov, J. Ysqaqova, S. Qalymov, Shahızada, Á.Oqapov, «Muzart», «Jigitter», «Nurmuqasan» t.b. ánshiler men toptardyń repertýarlarynda aqynnyń sózine jazylǵan kóptegen ánder bar. Sonyń ishinde: «Án aǵa», «Saǵym Dúnıe», «Áppaq Qaraǵymaı», «Dostar áni», «Meniń áppaq jeńeshem», «Otandastar» jáne taǵy da basqa aqynnyń kóptegen ánderi naǵyz hıtterge aınalyp ketti.
