Almatyda I toqsanda kepildi áleýmettik paketpen 4,6 myń bala qamtamasyz etiledi
Avtomatty túrde uzartý qoldanystaǵy karantındik sharalar kezinde halyq arasynda koronavırýs ınfektsııasynyń taralý qaýpin azaıtýǵa múmkindik berdi.
Kómek kórsetýge alǵash ret ótinish bildirgen azamattar elektrondyq úkimet portaly arqyly ótinish bere alady. 2021 jyldyń basynan bastap alǵash ret AÁK-ke 259 otbasy júgindi.
Esterińizge sala keteıik, budan buryn AÁK alýshylarǵa kómek taǵaıyndaý 2020 jyldyń II, III jáne IV toqsandarynda Tóteshe jaǵdaı rejımi men karantındik shekteý sharalarynyń qoldanylýyna baılanysty uzartylǵan bolatyn.
Máselen, 2020 jyldyń IV toqsanynda 5,1 myń otbasyǵa AÁK taǵaıyndaý avtomatty túrde uzartyldy. AÁK otbasynyń árbir múshesine jan basyna shaqqandaǵy ortasha tabysy eń tómengi kúnkóris deńgeıiniń 70% -ynan tómen azamattarǵa taǵaıyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirlerinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilýde.
Boljam boıynsha 2021 jyldyń І toqsanynda 4,6 myńǵa jýyq balaǵa áleýmettik toptama beriletin bolady. 2020 jyldyń qorytyndysy boıynsha AÁK alýshylar ishinen 1 jastan 6 jasqa deıingi 6,9 myń bala azyq-túlik jáne turmystyq hımııa zattarynyń jıyntyǵy túrinde áleýmettik toptama aldy.
Bıyl kepildik berilgen áleýmettik toptamany aleumet.egov.kz áleýmettik qyzmetter portalyna tolyǵymen aýystyrý josparlanyp otyr.
AÁK-ten basqa, az qamtylǵan, kópbalaly otbasylarǵa kelesi qoldaý sharalary kórsetiledi:
- turǵyn úı kómegi (eger bul shyǵystar otbasynyń jıyntyq tabysynyń 5 paıyzdyq úlesinen asyp ketse, turǵyn úı-kommýnaldyq shyǵystardy tóleýde)
- 20 AEK mólsherinde bir rettik áleýmettik kómek (58 340 tg);
- jeke turǵyn úıdiń menshik ıesine jalpy tarmaqtan úıge deıin gaz jabdyǵyn júrgizý jáne ornatý shyǵyndaryn óteýge birjolǵy áleýmettik kómek,
- emtıhan sessııasynyń nátıjeleri boıynsha «óte jaqsy» baǵa alǵan kóp balaly otbasynan shyqqan stýdentterge aı saıynǵy 10 myń teńge mólsherinde áleýmettik kómek.
Orta bilim berý uıymdarynda oqıtyn 6 jastan 18 jasqa deıingi balalarǵa arnalǵan MÁK mynalardy qamtıdy:
1) mektep formasynyń nemese sport formasynyń jıyntyǵy jáne mektep-jazý kerek-jaraqtarynyń jıyntyǵy;
2) densaýlyq saqtaý salasyndaǵy ýákiletti organ belgilegen normalarǵa sáıkes oqý jyly kezeńinde oqý orny boıynsha (oqý kúnderinde) kúndelikti bir rettik ystyq tamaq berýdi qamtamasyz etedi;
3) qoǵamdyq kólikte (taksıden basqa) jeńildikpen jol júrý.
