Almatyda I Ortalyq Azııa aýmaqtyq medıaforýmy ótedi
ALMATY. Qyrkúıektiń 9-y. QazAqparat /Erbol Turymbetov/ - Almatyda qyrkúıektiń 20-sy kúni «Bolashaq BAQ - jýrnalıster qolynda» degen atpen I Ortalyq Azııa aýmaqtyq medıaforýmy ótedi. Onda aımaq jýrnalısteriniń ózekti máseleleri talqylanbaq. Bul týraly búgin Almatyda ótken baspasóz máslıhatynda aıtyldy,
dep habarlaıdy QazAqparat.
Ony «Respýblıka» gazeti redaktsııasy men Qazaqstan Jýrnalıster odaǵy, «Ádil sóz» táýelsiz sarapshylar qory qoǵamdyq uıymy, «Internıýs Kazahstan», Qazaqstandaǵy soǵys pen beıbitshilik reportajdary ınstıtýty jáne Soros-Qazaqstan qorynyń qoldaýymen Media Net halyqaralyq jýrnalıstıka mektebi birlese uıymdastyrýda. Sharanyń ótýine sonymen qatar, Freedom House Kazakhstan jáne Qazaqstannyń medıa alıansy qoldaý kórsetýde.
«Qazirgi tehnologııa damyǵan zamanda jýrnalısterimizde eń aldymen básekege qabilettilik qalyptastyrý kerek. Alda ótkizgeli otyrǵan aýqymdy sharanyń basty kóteretin máselesi de osy. Sol arqyly Ortalyq Azııa jýrnalısteriniń ózekti máseleleri talqylanady. Medıaforým aıasynda jýrnalıster úshin trenıngter men sheberlik sabaqtary ótkiziledi», dedi aýmaqtyq medıaforýmnyń úılestirýshisi Irına Mednıkova.
Qazirgi tańdaǵy jýrnalıster jumysynyń aýqymy ulǵaıyp, sandyq júıedegi tehnologııalar keńinen qoldanylýda. Internet, GPRS, MMS, RSS, Blutooth, IK-port jáne t.b. jelilik baılanystar búginde oqyrman men jýrnalıster arasynda kúndelikti qoldanysqa túsip otyr.
Medıaforým «Tıan-Shan» qonaqúıinde ótedi. Uıymdastyrýshylardyń aıtýynsha, forýmǵa qazaqstandyq medıa ókilderimen birge Reseı, Ýkraına, Qyrǵyzstan jáne basqa da sheteldik BAQ ókilderi shaqyrylǵan. Sonymen birge, Májilis depýtattary men bılik ókilderi de qatysady dep kútilýde.
