Almatyda І Microsoft DreamSpark konferentsııasy ótip jatyr
ALMATY. 12 qarasha. QazAqparat /Erlik Erjanuly/ - Búgin Almatyda Qazaqstanda tuńǵysh ret Microsoft DreamSpark konferentsııasy ótip jatyr. Ony Halyqaralyq aqparattyq tehnologııalar ýnıversıteti men Maıkrosoft Qazaqstan jáne Nokıa kompanııalary birlesip uıymdastyrdy.
Konferntsııa kezinde aqparattyq tehnologııa salasynda bilim alyp jatqan stýdentter men ázirleýshiler jańa tehnologııalarmen tanysyp, usynystar ázirleý úderisinde qoldanýmen tanysýda. Sondaı-aq olar tájirıbelik zerthanalyq jumystardy oryndap kórýge múmkindik alyp otyr. Bul Qazaqstannyń jetekshi ýnıversıtetteriniń stýdentteri arasynda ózara pikir almasyp, Maıkrosoft Qazaqstan men Nokıa kompanııalarynyń mamandarymen suhbattasatyn biregeı alań bolyp otyr. Konferentsııa aıasynda sonymen qatar, aqtyq saıysy Avstralııada ótetin «Imagine Cup 2012» stýdentik halyqaralyq tehnologııalar jarysyna usynylatyn úzdik ıdeıalar jobalarynyń baıqaýy da ótkizilip jatyr.
