Almatyda Hyundai Trans Auto zaýytynyń qýatyn arttyrý jobasy iske qosyldy
Almaty ákimi Instagram-daǵy paraqshasynda ınvestıtsııalyq jobalardy iske asyrý nátıjesinde jańa jumys oryndary ashylatyny týraly jazdy.
«Nyundai Trans Auto zaýytynyń óndiristik qýatyn arttyrý jobasy iske qosyldy. Shaǵyn tonnaly júk kólikterin dánekerleý, kabınalardy boıap, usaq torapty ádispen jınaıtyn jańa tsehtyń qurylysyna Astana Motors 4 mlrd teńgeden astam qarjy ınvestıtsııalady», - dep jazdy ákim.
Zaýytta kommertsııalyq tehnıka, sonyń ishinde kommýnaldyq qyzmet qajettiligine arnalǵan órt sóndirý mashınalary, jolaýshy avtobýstary men reanımobılder shyǵarylady. Búginde munda 238 adam jumys isteıdi. Joba júzege asyrylǵannan keıin jumys oryndarynyń sany 350-ge deıin artady. Qazaqstandyq qamtý úlesi 50%-dan asyp, kásiporynnyń eksporttyq áleýeti artady.
Sonymen qatar, Astana Motors avtomobılderdi satatyn zamanaýı kópsalaly ortalyqtyń qurylysyn bastady. Munda 400-den astam jumys orny ashylady.Investıtsııa kólemi – 10 mlrd teńge.
