Almatyda HVQ men Dúnıejúzilik banktiń Shveıtsarııa kishi tobynyń otyrysy ótti
Іs-sharaǵa shamamen 60 adam qatysty, olardyń ishinde ortalyq bankterdiń basshylary, Shveıtsarııa kishi tobyna qatysýshy memleketterdiń qarjy jáne ekonomıka mınıstrleri, HVQ jáne Dúnıejúzilik Banktiń ókilderi bar.
QR UB baspasóz qyzmetiniń habarlaýynsha, otyrys barysynda taraptar makroekonomıka, fıskaldyq retteý jáne aqsha-kredıt saıasatyn júrgizýdiń ózekti máseleleri boıynsha pikir almasty, Kishi toptyń aǵymdaǵy qurylymdyq reformalaryn talqylady.
Otyrys barysynda Ortalyq Azııa men Kavkaz elderindegi ózekti syn-qaterlerge arnalǵan semınar uıymdastyryldy.
QR Ulttyq bankiniń Qazaqstan Respýblıkasynyń Halyqaralyq valıýta qorynyń jáne Dúnıejúzilik banktiń Belgııa kishi tobynan Shveıtsarııa kishi tobyna aýysýy jónindegi jumysty júrgizgenin eske sala keteıik. Qazaqstannyń Shveıtsarııa kishi tobyna kirýiniń alǵashqy qadamdarynyń biri 2010 jylǵy qyrkúıekte Astanada QR Úkimeti men Shveıtsarııa Konfederatsııasy arasynda Bretton-Výds mekemelerindegi ózara túsinistik jáne yntymaqtastyq týraly memorandýmǵa qol qoıýy boldy. Qazaqstan Respýblıkasynyń Halyqaralyq valıýta qorynyń jáne Dúnıejúzilik banktiń Shveıtsarııa kishi tobyna kirýiniń sońǵy kezeńi Halyqaralyq valıýta qorynyń jáne Dúnıejúzilik banktiń kishi tobyndaǵy Atqarýshy dırektor retinde Shveıtsarııa konfederatsııasynyń ókilin tańdaýǵa daýys berý boldy.
Halyqaralyq valıýta qorynyń jáne Dúnıejúzilik banktiń Shveıtsarııa kishi tobynyń quramyna Shveıtsarııa, Polsha, Qazaqstan, Serbııa, Ázerbaıjan, Túrkimenstan, Tájikstan, Qyrǵyzstan, Ózbekstan kiredi.
