Almatyda «HR-®Evolution: áreket ýaqyty!» degen atpen V-shi halyqaralyq kongress ótip jatyr
ALMATY. Naýryzdyń 4-i. QazAqparat /Názıra Eleýhan/ - Búgin Almatyda «HR-®Evolution: áreket ýaqyty!» degen atpen V-shi halyqaralyq kongress óz jumysyn bastady,
dep habarlaıdy QazAqparat.
«Renessans» agenttiginiń uıymdastyrýymen ótip jatqan kongreske 150-den asa qazaqstandyq jáne 30 halyqaralyq HR-mamandary, otandyq jáne sheteldik aldyńǵy qatarly menedjerleri qatysýda. Konferentsııa eki kúnge sozylady.
Osymen 5-shi ret ótip otyrǵan kongrestiń plenarlyq jıyny ınteraktıvti formada ótti. Belsendi pikir-talas kórsetken qatysýshylar HR salasynyń búgingi jaǵdaıyn talqylap, pikirlerimen bólisti.
Jıyn barysynda ótpeli kezeńdegi kadrlerdi basqarý strategııasyndaǵy jelilik menedjmenttiń róli, ár kezeńde jumys istegen qyzmetkerlerdiń jáne HR-mamandardyń toǵysýy, daǵdarys kezeńindegi HR-qyzmettiń róli, sonymen qatar, bankterdiń qaıta qurylý kezeńi degen taqyryptar kóterildi.
"Qyzmetkerlerdi basqarý boıynsha mamandardyń jumysyn baǵbandardyń jumysymen salystyrýǵa bolady. Óıtkeni, kompanııa - ol baý-baqsha sııaqty, eger butaqtaryn ýaqytynda kespeseń, ol ósip ketip, jemis bermeıtin bolady. HR -uıymnyń tegis qamtıtyn fýnktsııasy, sebebi adamdarsyz eshteńe isteı almaısyń", dedi «Bıznesgrad» iskerlikti damytý ortalyǵynyń Bas dırektory Iren Betanova.
Kongrestiń ekinshi kúni mádenıettiń halyqaralyq menedjmentke áseri, daǵdarys kezinde kompanııanyń damýy, qyzmetker jumysyn tıimdi basqarý, tıimdi basqarýdyń negizgi júıesi jáne budan basqa da taqyryptar boıynsha Reseı jáne Qazaqstan HR salasynyń aldyńǵy qatarly mamandary sheberlik- dárister ótkizedi.
