Almatyda HІH Respýblıkalyq teatrlar festıvali ótedi
ASTANA. 14 qyrkúıek. QazAqparat. Qazaqstan Respýblıkasy Táýelsizdiginiń 20 jyldyǵyna arnalǵan Mádenıet mınıstrliginiń qoldaýymen 25 qyrkúıek pen 1 qazan aralyǵynda Almaty qalasynda HІH Respýblıkalyq teatrlar festıvali ótedi.
Astanalyq Q.Qýanyshbaev atyndaǵy qazaq mýzykalyq drama teatry Erkin Jýasbektiń «ANTIVIRÝS» atty komedııasymen qatysyp baqtaryn synamaq. Qoıylymnyń rejısseri - QR eńbek sińirgen qaıratkeri Bolat Uzaqov.
Qoıylymnyń alǵashqy tusaýkeseri 2011 jyldyń, 19-20 mamyr kúnderi ótti. Basty rolderdi - QR«Daryn» memlekettik jastar syılyǵynyń ıegeri Erlan Malaev, Túımehan Atymtaeva, Aıman Aımaǵambet, Nurzada Tashımova, Baqyt Jumaǵulova, Qýandyq Qystyqbaev, Aınur Bermuhambetova, Jánibek Musaev, Saıa Toqmanǵalıeva, Gaýhar Júsipova, Jasulan Erbolat somdaıdy.
Jahandaný ǵasyry. Elimiz damýshy elderdiń qatarynda. Básekege qabiletti elderdiń qataryna qosylý maqsatta kóptegen jumystar tyńdyrylyp jatyr. Zaman qarbalasynyń qaǵajaý sátterin dál tanı biletin kelimsek-gasterbaıterler de qarap qalmaı bizdiń qarajatqa elimizdiń qara jumysyn isteýde.
Bul spektakl búgingi kúnniń tynys-tirshiligin sýretteıdi. Qala adamdary óz basynyń máselelerimen álek. Sol tylsym tirshiligi qyzý jumys basyndaǵy bir tehnıkalyq qyzmet kórsetý ortalyǵy spektakl oqıǵasynyń ótetin orny. Oqıǵa jelisi osyndaǵy jumyskerler men klıentter arasynda órbıdi. Qazirgi qoǵamnyń kelbetin sýretteıtin - aşy shyndyqty aıta otyryp, kúldirip te jylatyp alatyn komedııa Astana qalasynyń atynan báıgege qatysyp baq synamaq.
