Almatyda HІH Respýblıkalyq teatr festıvaliniń jeńimpazdary anyqtaldy
MATY. 30 qyrkúıek. QazAqparat /Názıra Eleýhan/ - Búgin Almatyda Ǵ.Músirepov atyndaǵy Qazaq memlekettik akademııalyq balalar men jasóspirimder teatrynda QR Mádenıet mınıstrligi men qala ákimdigin uıymdastyrýymen ótkizilgen HІH Respýblıkalyq teatrlar festıvaliniń jabylý saltanaty bolyp ótti.
Esterińizge sala ketsek, bıyl festıvalge aldyn-ala irikteýden ótken oblystyq jáne respýblıkalyq jeti teatr qatysty. Olar bes kún boıy jurtshylyq aldynda óz ónerlerin ortaǵa saldy. Bıyl teatr festıvali el táýelsizdiginiń 20 jyldyǵyna arnalǵandyqtan, ár teatr kórermen nazaryna jańa Qazaqstannyń qalyptasýy men jetistikterin jáne Táýelsizdiktiń tarıhı mańyzyn kórsetetin eń úzdik qoıylymdaryn usyndy. Festıvalge qatysýshylardyń sheberlikterin teatr maıtalmandarynan quralǵan ádil-qazylar alqasy 10 atalym boıynsha baǵa berip, anyqtady.
Bıyl Bas júlde - «Eń úzdik spektakl» atalymyn Astana qalasynyń Jastar teatry S. Raevtyń «Mekkege qaraı uzaq jol» spektaklimen jeńip aldy. Qoıylymnyń rejısseri, Qazaqstan Respýblıkasynyń eńbek sińirgen qaıratkeri Nurqanat Jaqypbaev.
«Eń úzdik áıel adam beınesi» atalymyn «Perzenthana» spektaklindegi Hadısha Rysbaevanyń rolin sheber oınaǵan N. Jantórın atyndaǵy Mańǵystaý oblystyq mýzykalyq-drama teatrynyń aktrısasy Maıra Baqberdıeva ıelendi. Al, «Eń úzdik er adam beınesi» nomınatsııasyna Q. Muhamedjanov, Sh. Aıtmatovtyń «Voshojdenıe na Fýdzııamý» spektaklindegi Mámbet rolin úzdik somdaǵan M. Lermontov atyndaǵy Memlekettik akademııalyq orys drama teatrynyń akteri Sergeı Popov laıyq dep tanyldy.
«Eń úzdik rejısserlik sheshim» atalymynyń júldesimen N. Jantórın atyndaǵy Mańǵystaý oblystyq mýzykalyq-drama teatrynyń rejısseri Gúlsına Merǵalıeva marapattaldy(«Perzenthana» spektakli úshin).
«Qazaq dramatýrgııasyn tabysty meńgergeni úshin» nomınatsııasyn M. Lermontov atyndaǵy Memlekettik akademııalyq orys drama teatry ujymy jeńip aldy ( Q. Muhamedjanov, Sh. Aıtmatovtyń «Voshojdenıe na Fýdzııamý» spektakli). Al, bıyl «Kórermender kózaıymy» nomınatsııasy júldesine «Perzenthana» spektakli úshin N. Jantórın atyndaǵy Mańǵystaý oblystyq mýzykalyq-drama teatry ıe boldy.
Bunymen qatar, festıvalde «Sahnalyq uzaq ǵumyr», «Úmit», «Eń úzdik ekinshi plandaǵy er adam beınesi», «Eń úzdik ekinshi plandaǵy áıel beınesi» atalymdarynyń jeńimpazdary anyqtaldy.
