Almatyda Haıyrjan Bekhojınniń 100 jyldyq mereıtoıyna arnalǵan jańa kitap oqyrman nazaryna usynylamaq
ALMATY. 22 aqpan. QazAqparat /Ádilet Musahaev/ - 2011 jyldyń 24 aqpanynda QazUÝ-da Qazaqstan ulttyq jýrnalıstıkasy ǵylymy men biliminiń kórnekti qaıratkeri Haıyrjan Bekhojınniń 100 jyldyq mereıtoıyna arnalǵan kitaptyń tusaýkeseri ótedi.
Atalǵan sharany Qazaqstan jýrnalıster akademııasy, Ál-Farabı atyndaǵy Qazaq ulttyq ýnıversıtetiniń Jýrnalıstıka fakýlteti, Buqaralyq kommýnıkatsııanyń tarıhy men teorııasy kafedrasy uıymdastyryp otyr.
H.Bekhojın týraly kitap Ál-Farabı atyndaǵy Qazaq Ulttyq ýnıversıtetiniń basshylyǵymen bekitilgen «Ónegeli ómir» serııasymen jaryqqa shyǵyp otyrǵan ekinshi basylym bolyp tabylady.
H. Bekhojın (1910-1979) - elimizdiń jýrnalıstıka ǵylymy men biliminn damytýǵma eleýli úles qosqan ǵalym, tarıh ǵylymdarynyń doktory, professor. Ol 1929-39 jyldary «Keńes týy» jáne «Kolhoz» (Pavlodar), «Ekpindi» (Semeı) aımaqtyq basylymdarynda jýrnalıstik qyzmet atqardy. 1942 jyly QazUÝ-diń jýrnalıstıka bólimin támamdady. 1943 jyldan bastap Otan soǵysy aıaqtalǵanǵa deıin Qostanaı oblystyq «Bolshevıktik jol» gazetinde redaktor bolyp eńbek etti. 1945 jyldan ómiriniń sońǵy sátterine deıin QazUÝ-diń jýrnalıstıka fakýltaetiniń aǵa oqytýshysy, osy jyldyń 1-maýsymynan fakýltet dekany, 1948-1976 jyldar aralyǵynda jýrnalıstıka tarıhy kafedrasynyń meńgerýshisi jáne professory boldy.
Sonymen qatar ol - ulttyq baspasózimizdiń tarıhy boıynsha tuńǵysh kandıdattyq jáne doktorlyq dıssertatsııalar jazdy. Doktorlyq dıssertatsııasyn 1964 jyly jaryq kórgen «Qazaq baspasóziniń damý joldary» atty monografııasy boıynsha daıarlap, ǵylymı baıandama túrinde qorǵady.
H.Bekhojınniń HІH ǵasyrdyń basynda jaryq kórgen tuńǵysh jýrnal «Aıqap» týraly jazylǵan zertteý eńbegi - keńes dáýirindegi ǵylymǵa qosylǵan úlken jetistikterdiń biri.
Bul kúnderi H.Bekhojınniń bastamasymen 1948 jyly qurylǵan Ál-Farabı atyndaǵy QazUÝ-niń Jýrnalıstıka tarıhy kafedrasynyń qurylǵanyna 63 jyl tolyp otyr. Kafedra 2010 jyldyń 1 qyrkúıeginen Buqaralyq kommýnıkatsııanyń tarıhy men teorııasy dep atalýda.
