Almatyda Hayat-Vax jáne CoronaVac vaktsınalary taýsyldy- Narıman Tabynbaev
ALMATY. QazAqparat - Almatyda koronavırýsqa qarsy Hayat-Vax jáne CoronaVac vaktsınalary taýsyldy. Bul týraly qalalyq qoǵamdyq densaýlyq saqtaý basqarmasynyń basshysy Narıman Tabynbaev aıtty, dep habarlaıdy QazAqparat tilshisi.
«Qalada vaktsına qory jetkilikti. Bul «Sputnik V» vaktsınasyna qatysty. «Hayat-Vax» jáne «CoronaVac» ókinishke oraı, qazir joq «, - dedi spıker
Sonymen qatar, ol sońǵy 10 kúnde aýrýhanalardaǵy naýqastardyń sany 2,5 ese óskenin atap ótti.
«Jalpy reanımatsııa jáne qarqyndy terapııa bólimshesinde naýqastardyń sany 10 kúnniń ishinde 50-den 121-ge deıin, ıaǵnı 2,4 esege kóbeıdi. Búgingi tańda BMSK jáne Telemedıtsına ortalyǵy dárigerleriniń baqylaýynda 3 255 patsıent bar, al aýrýhanalar men úıde 40 jasqa deıingi jastar sanynyń kúrt ósýi baıqaldy»,- dedi ol.
Búgingi tańda Almatyda 212 vaktsınatsııa pýnkti jumys isteıdi. 308 vaktsınatsııa brıgadasynda 1 260 medıtsına qyzmetkerleri jumyldyryldy.
