Almatyda halyqty jappaı qulaqtandyrý júıesi tekserilmek
ALMATY. QazAqparat - 6 sáýir kúni Almatyda qaladaǵy jappaı qulaqtandyrý júıesiniń tehnıkalyq daıyndyǵy tekseriledi, dep habarlaıdy «QazAqparat» tilshisi qalalyq TJD baspasóz qyzmetine silteme jasaı otyryp.
«Almaty qalasynyń TJ departamenti 2017 jylǵy 6 sáýirde jergilikti ýaqytpen 12 saǵat 55 mınýtta qulaqtandyrý júıesiniń tehnıkalyq daıyndyǵyn tekseredi», - delingen habarlamada.
Tekserý barysynda «Barshanyń nazaryna!» biryńǵaı qulaqtandyrý sıgnalyn berý arqyly avtomatty túrde tele-radıo arnalarynda halyqty qulaqtandyrý júıesiniń iske qosylýy da júrgiziledi
Sonymen qatar, TJD-nyń habarlaýynsha, aldaǵy ýaqytta ár aıdyń birinshi beısenbisinde saǵat 12:55-te (merekelik kúnge sáıkes kelgen jaǵdaıda kelesi beısenbige aýystyrylady) qulaqtandyrý júıesiniń tehnıkalyq daıyndyǵyn tekserý júrgiziledi.
Osyǵan baılanysty, Departament qala turǵyndary men qonaqtaryn sabyr saqtaýǵa shaqyrady.
