Almatyda halyqtan 6 mln teńgege zańsyz saqtalǵan qarý-jaraq satyp alyndy
ASTANA. QazAqparat - Almaty polıtsııasy halyqtyń qolyndaǵy zańsyz saqtalǵan atys qarýyn satyp alý naýqanynyń nátıjelerin jarııalady, dep habarlaıdy QazAqparat.
Ákimshilik polıtsııa basqarmasynyń habarlaýynsha, naýqan barysynda Almaty qalasy Іshki ister organdaryna azamattardan 99 qarý-jaraqty ótkizý úshin 56 ótinish kelip tústi, atap aıtqanda, 55 tegis qarý, 24 travmatıkalyq qarý, 20 dana myltyq, 1 450 myltyqqa arnalǵan oq-dári. Azamattarǵa beriletin tólemderdiń jalpy somasy 4 909 629,50 teńgeni qurady.
«Barlyq tapsyrylǵan qarý-jaraqtar «Tirkelgen» jáne «Qylmystyq qarý» ıntegratsııalanǵan derekter banki boıynsha tekserildi, al myltyq sot saraptamasyna jiberildi. Naýqan barysynda turǵyndar arasynda qarý-jaraqtardy, oq-dárilerdi jáne jarylǵysh zattardy zańsyz saqtaýdy erikti túrde óteý týraly halyqty aqparattandyrý sharalary kúsheıtildi. Іshki ister departamentiniń barlyq bólimshelerinde (ІІB-ROP, ÝPP, kóshi-qon jáne jol polıtsııasynda qujattardy qabyldaý pýnktteri), adamdar kóptep kezdesetin oryndar (HQKO, áýejaı, temirjol jáne avtobýs beketteri, bazarlar, oıyn-saýyq mekemelerinde) úgit-nasıhat plakattary, naýqan týraly stendter ornatylǵan. Barlyq ІІB-da halyq arasynda taratýǵa zańsyz saqtalǵan atys qarýyn, oq-dárilerdi jáne jarylǵysh zattardy tapsyrý týraly paraq taratyldy», - dep habarlady Almaty qalasy Polıtsııa departamenti Ákimshilik polıtsııa basqarmasynyń bastyǵy, polıtsııa polkovnıgi Jandos Muratálıev.
