Almatyda halyqqa qyzmet kórsetý ortalyǵynyń qyzmetkerleri janyp jatqan kólikti sóndirdi
ALMATY. QazAqparat - Almatyda Áýezov aýdany turǵyndaryna qyzmet kórsetetin ortalyqtyń turaǵynda kólik órtendi. Órtti halyqqa qyzmet kórsetý ortalyǵynyń qyzmetkerleri sóndirdi, dep habarlaıdy QazAqparat tilshisi.
Órttiń vıdeosy áleýmettik jelide paıda boldy. Beınejazbada «Nıva» avtokóliginiń akkýmýlıatory janyp jatqany aıtylady.
«Otqa oranǵan kólik qyzmet alýshyǵa tıesili. Áýezov HQKO-nyń bas mamany B. Ismaılov janyp jatqan mashınanyń akkýmýlıatoryn shyǵaryp aldy. Osylaısha, órt oqshaýlandy.
Sonymen qatar, órtti sóndirýge ortalyqtyń basqa da mamandary atsalysty. Atap aıtar bolsaq, Danııar Qabylǵojaev, Asqar Abaıuly, Arman Shapaǵat, Erdáýlet Qadyrov. Tórt órt sóndirgish quraly qoldanyldy «, - dep habarlady «Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıalynyń baspasóz qyzmeti.
