Almatyda Halyqaralyq jýrnalıster yntymaqtastyǵy kúni atalyp ótildi
ALMATY. Qyrkúıektiń 8-i. QazAqparat /Erbol Turymbetov/ - Búgin Almatyda 8-shi qyrkúıek - Halyqaralyq jýrnalıster yntymaqtastyǵy kúnine oraı birqatar qoǵamdyq uıym basshylary baspasóz máslıhatyn ótkizdi,
dep habarlaıdy QazAqparat.
Halyqaralyq jýrnalıster yntymaqtastyǵy kúni 1958 jyly Halyqaralyq jýrnalıster uıymynyń ІV kongresinde qabydandy. Bul kún 1943 jyldyń 8-shi qyrkúıeginde fashısterdiń qolynan qaza tapqan cheh jýrnalısi ıÝlıýs Fýchıkke arnalyp taǵaıyndalǵan edi.
«Bul ataýly kúnniń Qazaqstanda atalyp ótip jatqanyna kóp ýaqyt bolǵan joq. Jýrnalıster qaýymy qajyrly eńbegimen qaı ýaqytta da eldi aqparatpen qamtamasyz etip keledi. Bizdiń búgingi basqosýymyz osy qaıyrly is jolynda qurban bolǵandarǵa arnalady», dedi «Ádil sóz» táýelsiz sarapshylar qory qoǵamdyq uıymynyń tóraıymy Ǵalııa Ájenova.
Jıyn barysynda Qazaqstan Jýrnalıster odaǵynyń tóraǵasy Seıitqazy Mataev sóz sóıledi.
Baspasóz máslıhatyna qatysýshylar ár túrli jaǵdaılarda qaza bolǵan jýrnalısterdi 1 mınýt únsizdikpen eske aldy.
