Almatyda Halyqaralyq «Syrlasý» oryndaýshylyq óner festıvali ótedi

Festıvaldi uıymdastyrýdaǵy maqsat - jas teatr kórermenderiniń jańa býynyn qalyptastyrý jáne tárbıeleý. Bul festıval tuńǵysh ret 2013 jyly Almatyda qalalyq mádenıet basqarmasynyń qoldaýymen ótkizilgen bolatyn. 

Al 2016 jyly festıval halyqaralyq teatr naryǵyna shyǵyp, oryndaýshylyq ónerdiń barlyq túrin qamtydy.

«Teatr - bul basqa eshbir ónerge uqsamaıtyn jandy dúnıe. Ol búkil qorshaǵan ortany óz boıyna sińire alar qasıetke ıe. Al «Syrlasý» - qoıylymnyń ón boıynda akter men kórermen arasynda oryn alatyn názik dıalog. Bıyl kúrdeli ekonomıkalyq jaǵdaıǵa baılanysty festıvaldi uıymdastyrý ońaı bolmady. Biraq, bizge áleýmettik jaýapkershiligi mol kompanııalar kómektesti. Sondyqtan festıval solardyń arqasynda ómir súrýin jalǵastyrady. Al biz zamanaýı teatrdyń damýyna qoldaý kórsetýdi jalǵastyra túsemiz», - dedi «Syrlasý» festıvaliniń prodıýseri jáne dırektory Olga Sultanova. 

Bıylǵy festıval tórt negizgi bloktan turady. Olar: qazaqstandyq shoýkeıs, meımandyq baǵdarlama, bilim baǵdarlamasy jáne «Qal qalaı» jobasy.  

Festıval kúnderi kórermender otandyq ujymdardyń qoıylymdaryn ǵana emes, shet eldik ártisterdiń de ónerin tamashalaıtyn bolady, tipti ár túrli sheberlik synyptaryna da qatysa alady.