Almatyda Halyqaralyq sport kúni aıasynda fýtboldan týrnır ótkizildi
ALMATY. QazAqparat - Búgin 6 sáýir - Halyqaralyq sport kúni aıasynda Almatyda jasóspirim uldar men qyzdar arasynda fýtbol týrnıri boldy.
«2013 jyly BUU Bas Assambleıasy 6 sáýirdi Halyqaralyq sport kúni retinde atap ótý týraly sheshim qabyldaǵan bolatyn. Soǵan baılanysty, búgin álemniń kóptegen qalalary sekildi Almatyda da salamatty ómir saltyn nasıhattaý maqsatynda sporttyq sharalar ótkizilip jatyr», - dedi QR stýdenttik sport federatsııasynyń vıtse-prezıdenti Muhtar Esqalıev.
Aýa-raıynyń bultty bolýyna qaramastan, qalanyń ár túrli joǵary oqý oryndarynan kelgen komandalar asa tartysty oıyn órnegin kórsetti.
«Bul fýtbol týrnıri uldar arasynda da qyzdar arasynda ótkizilip otyr. Óıtkeni, bul kúnniń basty qaǵıdasy - sport arqyly adamdardy biriktirý. Bul jerde eń bastysy belsendi ómir súrýge umtylý jáne komandalyq rýhqa adal bolý», - dedi M. Esqalıev.
Fýtbol týrnırine QR Ulttyq Olımpıada komıteti men 2017 jylǵy qysqy Ýnıversıadany daıyndaý jáne ótkizý jónindegi dırektsııa qoldaý kórsetti.
