Almatyda halyqaralyq mysyqtar kórmesi ótedi
ASTANA. 3 qazan. QazAqparat - 6-7 qazanda Almaty qalasyndaǵy Balýan Sholaq atyndaǵy sport saraıynda halyqaralyq mysyqtar kórmesi ótedi. Bul týraly atalǵan sharany uıymdastyrýshylar habarlaıdy.
«6 jáne 7 qazan kúnderi «Mysyqtar ǵalamshary» Almaty felınologııalyq ortalyǵy halyqaralyq mysyqtar kórmesin ótkizedi. Kórmege 18 tuqymǵa jatatyn 115 túrli mysyq shyǵarylady. Mysyqtardyń túrlerin anyqtap, olardy qýattaý úshin saraptama júrgizýge Belgııa men Frantsııadan halyqaralyq sanattaǵy sarapshylar shaqyryldy», - delingen aqparatta.
Sonymen birge, kórme sheńberinde mysyqtar arasynda konkýrs, úzdik janýarlar sherýi, kórermender úshin tanymdyq-kóńil kóterý baǵdarlamasy jáne mysyqtar túrlerimen tanystyrý josparlanǵan.
Kórmeniń jeńimpazdary dıplomdarmen jáne baǵaly syılyqtarmen marapattalady.
