Almatyda Halyqaralyq murajaılar kúnine oraı merekelik sharalar ótip jatyr
ALMATY. QazAqparat- Búgin Almatyda Ábilhan Qasteev atyndaǵy memlekettik óner murajaıynda Halyqaralyq murajaılar kúnine baǵyshtalǵan keń kólemdi merekelik sharalar bastaldy. Ol túngi saǵat 24:00-ke deıin jalǵasady. Búgingi sharaǵa 5000 jýyq adam keledi dep kútilýde. Kirý tegin.
«Búgin bizde dýmandy merekelik shara ótip jatyr. Ony toı dep aıtsaq ta bolady. 18 mamyr - Halyqaralyq murajaılar kúni ekeni belgili. Al bizde Almaty ákimdiginiń sheshimimen bul kún búgin atalyp atalyp ótýde. Búgin qala turǵyndary, qonaqtary murajaıǵa kelip, óner týyndylaryn tegin tamashalaı alady. Sonymen qatar, biz merekelik sharany Qazaqstan halqy Assambleıasymen birlese ótkizip jatyrmyz. Sáıkesinshe, murajaıdyń foıesinde birqatar jergilikti etnomádenı birlestikterdiń ulttyq salt-dástúrge, ulttyq kıimder men taǵamdarǵa qatysty kórmesi jáne kontserttik baǵdarlamasy uıymdastyrylyp otyr. Sonymen qatar,murajaıda qyzmet atqaratyn belgili otandyq sýretshiler jáne shet elderden shaqyrtylǵan tanymal sýretshiler ıÝrıı Tarler (Nıý-Iork) men Aleksandr Kravchýktiń (Sankt-Peterbýrg) sheberlik synyptary ótedi. Budan basqa, kelýshiler nazaryna Almaty tehnologııalyq ýnıversıteti men Almaty kórkemsýret ýchılışesiniń sán toptamasy usynylady», - dedi óz sózinde Á. Qasteev atyndaǵy óner murajaıynyń ǵylymı qyzmetkeri, ónertanýshy, QR Sýretshiler odaǵynyń múshesi Gúlnar Jubanııazova.
Sonymen qatar, Gúlnar Qýandyqqyzy bıylǵy jyldyń Á. Qasteev atyndaǵy Memlekettik óner murajaıy úshin aıryqsha jyl ekendigin atap ótti.
«Bıyl bizdiń murajaıdyń qurylǵanyna 80 jyl tolyp otyr. Murajaıdy búginde Qazaqstannyń betke ustar óner ordasy dep aıtýǵa bolady. Murajaı qorynda qazirgi tańda 25 myńnan astam óner týyndysy saqtalǵan. Olardyń arasynda beıneleý óneriniń bes ǵasyrlyq tarıhyn qamtıtyn, Qazaqstan, Eýrazııa, Batys Eýropa jáne Shyǵys elderiniń tarıhy men mádenıetinen syr shertetin týyndylar bar. Sondaı-aq, Qazaqstannyń beıneleý ónerine qatysty úzdik ulttyq mádenı muralar da osy muradaıda jınaqtalǵan. Qazirgi tańda murajaı ǵylym, mádenıet, shyǵarmashylyq ınnovatsııa, kommýnıkatsııa, qala berdi bilim men tárbıe mekenine aınaldy. Bul jerde kórmeler qatar, kontsertter, oqý semınarlary jáne óner festıvalderi ótip turady», - dedi G. Jubanııazova.
Al mýzeıde túrli merekelik sharalar tańǵy saǵat 10:00-de bastaldy. Solardyń biri - «Músinder parkindegi» ınteraktıvti plener (ashyq aspan aıasynda sýret salý) sharasy. Buǵan qatysqan árbir sýretshiniń shyǵarmasy keıin «Murajaı - kelýshiler kózimen» atty kórmege qatysady. Úzdik dep tanylǵan týyndylardyń avtorlary baǵaly syılyqtarmen marapattalady.
Budan ózge, murajaı qabyrǵasynda tuńǵysh ret «Kóshirmesin murajaıdan tapshy» dep atalatyn erekshe kórkemdik aktsııa ótip jatyr. Búgingi mereke bastalardyń aldynda mýzeı ekspozıtsııalary arasyna bir kartına qoıylypty. Biraq ol tupnusqalyq avtorlyq jumys emes. Kóshirme. Sony kelýshiler tabýy kerek. Dál tapqan adamǵa baǵaly syılyq tabys etiledi.
Sondaı-aq, kelýshilerge kúni boıy tegin ekskýrsııa jasalyp, týyndylarǵa qatysty lektsııalar oqylady.
Aıta ketelik, jyl saıyn 18 mamyrda búkil álem boıynsha murajaı qyzmetkerleri ózderiniń kásibı merekesin atap ótedi. ıAǵnı, 18 mamyr - Halyqaralyq murajaılar kúni. Ol 1977 jyldan beri atap ótilip keledi. Osy jyly 18 mamyrda Máskeý men Lenıngradta ótken Halyqaralyq murajaılar keńesiniń kezekti otyrysynda, bul kúndi Halyqaralyq murajaılar kúni dep ataý týraly Keńes Odaǵy tarapynan jasalǵan usynys qabyldandy. Sodan beri jyl saıyn álemniń 160-qa jýyq elinde bul mereke keń kólemde atap ótiledi.
