Almatyda Halyqaralyq koýchıng federatsııasynyń Qazaqstandaǵy tuńǵysh konferentsııasy bastaldy
ALMATY. 15 mamyr. QazAqparat - Búgin Almatyda Halyqaralyq koýchıng federatsııasynyń (ICF) «Koýchıng jáne uıymdaǵy kóshbasshylyq» dep atalatyn Qazaqstandaǵy І Halyqaralyq konferentsııasy bastaldy.
Bul sharaǵa top-menedjerler, jelilik menedjerler, HR mamandary, kásibı bıznes-jattyqtyrýshylary, ICF-tiń kásibı bıznes-koýchtary, BAQ ókilderi qatysýda. Oǵan «Step&Grow» koýchıng akademııasy Nokia, British Telecom, GlaxoSmithKline, Amgen, American Express, Maersk, Deloitte, Ernst & Young sııaqty kompanııalardyń top-menedjerlerine trenıng ótkizip júrgen amerıkandyq halyqaralyq deńgeıdegi úzdik koých-jattyqtyrýshy Marsha Raınoldsty arnaıy shaqyryp otyr. Eń alǵashqy koých-jattyqtyrýshylardyń biri sanalatyn ol ICF-tiń eń joǵary sertıfıkattalǵan sheber-koých mártebesin ıelengen bolatyn. Bul salada 30 jyldyq tájirıbesi bar ol konferentsııaǵa qatysýshylarmen óziniń osy ýaqytqa deıin jınaǵan bilimi men jumys daǵdylaryn bólispek.
