Almatyda halyqaralyq izdeýde júrgen qylmysker qolǵa tústi
ALMATY. QazAqparat – Almaty polıtsııasy halyqaralyq izdeýde júrgen qylmyskerdi ustady, dep habarlaıdy QazAqparat tilshisi.
Qalalyq PD baspasóz qyzmetiniń málimdeýinshe, 31 jastaǵy jigit bógde adamnyń múlkine birneshe ret qol suqqan.
«Birneshe ret múliktik qylmys jasaǵany úshin bul adamǵa halyqaralyq izdeý jarııalandy. Kóbinese ofısterge tún ishinde plastık terezelerdi buzý arqyly kirip otyrǵan. Aqsha, telefon, planshet, noýtbýk, taǵy basqa zattardy alyp ketip otyrǵan. Tek qana bizdiń aýdan boıynsha 6 qylmystyq oqıǵaǵa qatysy bary anyqtaldy», - dedi Medeý aýdandyq polıtsııa basqarmasynyń basshysy Bolat Totybaev.
Polıtsııa bul adamnyń áreketinen japa shekken adamdar bolsa, 254-48-00, 254-48-01 jáne 254-48-02 telefondaryna habarlasýyn suraıdy.
