Almatyda halyqaralyq izdeýde júrgen 2 kúdikti ustaldy

ALMATY. QazAqparat - Almatyda polıtseıler halyqaralyq izdeýde júrgen eki kúdiktini ustady, dep habarlaıdy QazAqparat tilshisi Qyzylorda oblysy Polıtsııa departamentine silteme jasap.

Kúdiktiler tamyzdan bastap QR QK-niń 293-baby 3-bóliginiń 2-tarmaǵynda (Atys qarýyn qoldana otyryp jasalǵan buzaqylyq), 24-babynyń 3-bóliginde jáne 99-baby 2-bóliginiń 7, 9-tarmaqtarynda (Buzaqylyq nıetpen adamdar tobynyń aldyn ala sóz baılasýy boıynsha jasalǵan kisi óltirýge oqtalý) kórsetilgen qylmystardy jasaǵany úshin halyqaralyq izdeýde bolǵan.

13 qarasha kúni Qyzylorda oblysynyń polıtsııa departamenti krımınaldyq polıtsııa basqarmasynyń qyzmetkerleri Almaty oblysy PD krımınaldyq polıtsııa basqarmasymen birlesip kúdiktilerdi Almaty qalasynyń Túrksib aýdanyndaǵy jalǵa alynǵan páterde ustady. Olarǵa qatysty kúzetpen ustaý túrindegi bultartpaý sharasy tańdaldy.

Qazirgi ýaqytta kúdiktiler ýaqytsha ustaý ızolıatoryna qamaldy.