Almatyda Halyqaralyq «International Haileybury FIRST Championship» chempıonatynyń jeńimpazdary anyqtaldy
ALMATY. QazAqparat – Almatyda Halyqaralyq «International Haileybury FIRST Championship» chempıonatynyń jeńimpazdary anyqtaldy, dep habarlaıdy QazAqparat tilshisi.
Almaty ákimdiginiń málimetinshe, «Champions Award» nomınatsııasynda Oral qalasynyń «HighTech» komandasy, «Winning Alliance Captain» nomınatsııasynda Almaty qalasynyń «Balga men Shege» komandasy, «Inspire Award Winner» nomınatsııasynda Jańaózen qalasynyń «Rebels» komandasy jeńimpaz atandy.
International Haileybury FIRST Championship chempıonatyna Qazaqstan, Birikken Arab Ámirlikteri, Qyrǵyzstan jáne Ózbekstannan barlyǵy 250-den asa oqýshyny qamtıtyn 36 mektep komandasy qatysty.
«Robototehnıka boıynsha halyqaralyq International Haileybury FIRST Championship chempıonatyn Almaty qalasynyń Bilim basqarmasy «USTEM Robotics» qorymen jáne Haileybury Almaty halyqaralyq mektebimen birlese otyryp, Almatyda 28-29 maýsymda ótkizdi. Chempıonattyń negizgi maqsaty – ǵylym, tehnologııa, ınjenerııa jáne matematıka (STEM) salasyndaǵy daǵdylardy damytý, ǵylym, tehnologııa jáne tehnıka salasynda sheteldik ujymdarmen tájirıbe almasý, túrli shet elderdiń jastary arasyndaǵy qarym-qatynas pen dostyqty nyǵaıtý», - dep habarlady Almaty ákimdigi.
Ár nomınatsııa boıynsha chempıonat jeńimpazdary men úzdik nomınatsııa ıegerleri Bilim basqarmasynyń dıplomdarymen jáne baǵaly syılyqtarmen marapattaldy. Sondaı-aq, úzdik nátıje kórsetken oqýshylarǵa Qazaqstan-Brıtan tehnıkalyq ýnıversıteti men «Turan» ýnıversıtetiniń bilim granttary tabys etildi.
