Almatyda halyqaralyq «Hýanta» 2014 rallı jarysynyń tusaýkeseri ótti

Bul týraly jarysty uıymdastyrýshylar málim etti.

«Hýanta» rallı jarysy 2005 jyldan bastap ótkizilip keledi jáne oıly-qyrly jerlerde jarysý boıynsha Qytaıdaǵy asa bedeldi jarys bolyp tabylady. Jarystarǵa kásipqoı sportshylar da (belgili bir zaýyttyń atynan jarysqa shyǵatyn komandalar), áýesqoı sportshylar da qatysa alady. Óziniń klımattyq jáne landshafttyq erekshelikterine baılanysty kásipqoılar "Hýantany" Shyǵystyń Dakary dep atap ketken.

«Hýanta» rallı jarysy jer aýqymy keń, sulý tabıǵat kórinisteri men qubylystarǵa baı Shyńjań jerinde ótkiziledi. Dál osy jerde Gobı shóli, ıAdan bederi, Lobnor kóli, Takla-Makan shóli jáne saıahatshylardyń nazaryn ózine aýdarýǵa turarlyqtaı taǵy da basqa kórikti jerler mol..

«Xinjiang Around Taklimakan Auto and Motorcycle Sports Club Co., Ltd.» kompanııasy alda ótetin jarys qarsańynda bul saıys Qazaqstandaǵy avtomotosportty nasıhattap, qazaqstandyq rallı áýesqoılarynyń jarysqa degen qyzyǵýshylyǵyn arttyrýǵa jaǵdaı jasaıdy dep senedi. Qazaqstandyqtardyń jarysqa qatysýy bizdiń halyqtarymyzdyń arasyndaǵy dostyqty nyǵaıtyp, Jańa Jibek joly ekonomıkasyn qurý úshin jasalǵan taǵy da bir qadamǵa aınalmaq.

«Hýanta» 2014 rallı jarysy 2014 jyldyń 25 mamyrynan 7 maýsymyna deıingi (14 kún) aralyqta ótedi. Jarystyń joly Shyńjańnyń Aqsý, Hotan, Kerııý (ıÝıtıan), Nııý (Mınfen), Sharshan (Tsemo), Sharlyk (Jotsıan), Korle, Turfan jáne Hamı sekildi aýdandary arqyly ótip, barlyǵy 12 kezeńnen turmaq. Jarys jolynyń tolyqtaı qashyqtyǵy 6500 shaqyrym, jarys kezeńderi 3300 shaqyrymdy (jarystyń búkil shaqyrym jolynyń 30%-y shólde ótedi) quraıdy. Jarys Aqsýda bastaý alyp, jabylý saltanaty Hamıde ótpek.

Naýryzda saıystyń trassasyna birlesken sońǵy barlaý jasalynady. Dál osy ýaqytta "Hýantanyń" barlaý toby jarys marshrýtyn, jarys trassasyn, jol kitapshasyn jáne t.b. birjola bekitetin bolady.

Jarystyń uıymdastyrýshylar komıtetiniń ókilderi keleshekte "Hýanta" rallı jarysynyń marshrýty Orta jáne Batys Azııa elderinen Eýropaǵa qaraı ótip, Qytaı shekarasynan shyǵý múmkin degen boljam jasaýda. Bul "Hýanta" rallı jarysyn Qytaıdyń Shyńjańdaǵy sporttyq týrızmniń betke ustar mádenı sharalaryna aınaldyrmaq.

"Hýanta» uıymdastyrýshylar komıtetiniń hatshylyǵy 2014 jyldyń 18 aqpanynan bastap jarysqa tirkelý bastalatynyn atap ótti. Sheteldik qatysýshylar erte bastan kólik quraldaryn kedende tirkeý rásiminen ótkizýi tıis. Tirkelýge arnalǵan baılanys telefony: 00869913678665, resmı saıty: http://www.atr123.com/ .atr123.com