Almatyda halyqaralyq gandbol federatsııasynyń qurlyqaralyq
ALMATY. 29 qazan. QazAqparat /Erlik Erjanuly/ - Almatyda 3-6 qarasha kúnderi 21 jasqa deıingi qyzdar arasynda halyqaralyq gandbol federatsııasynyń qurlyqaralyq "Aýyspaly trofeı" saıysy bolady.
Oǵan Qazaqstan, Kongo, Kýba jáne Fınlıandııa komandalary qatysady. Halyyqaralyq gandbol federatsııasy "Aýyspaly trofeı" jobasyn júzege asyrýdy 2010 jyly bastaǵan bolatyn. Ol áıelder men erler komandalary oıynshylarynyń sheberlikterin shyńdaý úshin jáne jattyqtyrýshylardyń, dene shynyqtyrý páni oqytýshylary men tóreshileriniń biliktiligin kóterý maqsatynda halyqaralyq jáne ulttyq federatsııalardyń birlesip ótkizetin resmı is-sharasy. "Aýyspaly trofeı" jarysynyń jyl sońynda bolatyn qurlyqtyq kezeńi Qazaqstanda bıyl tuńǵysh ret ótkeli otyr. Uıymdastyrýshylar bul baıraqty báseke aıasynda jarysqa qatysýshy elderdiń tóreshileri men jattyqtyrýshylary úshin arnaıy semınarlar ótkizýdi de josparlaýda.
