Almatyda Halyqaralyq «Daraboz-2015» balalar jazýshylarynyń baıqaýy jarııalandy
Onyń aıtýynsha, bıylǵy mereıtoılyq baıqaý jańa deńgeıde ótkiziledi.
«Baıqaýdyń basty maqsaty - egemendigimizdiń irgesin ustaıtyn azamattardy tárbıeleý. Osyndaı adal, adamgershiligi mol, mádenıetti, eliniń qamyn oılaıtyn azamatty tárbıeleý úshin, ne kerek? Eń bastysy, meniń oıymsha rýhanı azyq kerek. Kitap degen rýhanı azyq kerek! Qazirgi balalar ınternet jáne ár túrli fılmderden tárbıe alýda. Al olar kerisinshe jaqsy kitaptar arqyly tálim-tárbıe alýlary tıis. Sondyqtan, bul baıqaýdyń maqsaty - balalarǵa kitap jazatyn balalar jazýshylaryna demeý kórsetip, solardyń shyǵarmalaryn kóptep shyǵaryp, bolashaq urpaqty tárbıeleý. Bul baıqaý 10 jyldan beri ótip keledi. Sol 10 jyldyń ishinde bizde 10 jınaq shyqty. Bıyl mereıtoılyq baıqaý. Sondyqtan ony jańa deńgeıde ótkizemiz degen josparymyz bar. Oǵan shet eldik qandastarymyz da qatysa alady», - dedi J. Omarbekova.
«Daraboz» ádebı baıqaýy boıynsha shyǵarmalar 2015 jyldyń 20 mamyryna deıin qabyldanady. Shyǵarmalar qazaq nemese orys tilderinde jazylǵan bolýy tıis. Ár qatysýshy baıqaýdyń bir janry boıynsha 3 shyǵarmaǵa deıin jibere alady. Al shyǵarmalar proza, poezııa, áńgimeler jáne ertegiler janry boıynsha qabyldanady. Jumystardy info@daraboz.org saıtyna hat retinde joldaýǵa bolady.
Sonymen, bas júlde - Gran-prı - 1 000 000 teńgeni quraıdy. Birinshi orynǵa 350 myń teńgeden eki oryn taǵaıyndaldy. Ekinshi oryn boıynsha eki júldegerge 150 myń teńgeden tabys etiledi. Úshinshi oryn alǵan eki júldegerge 100 myń teńgeden beriledi. Buǵan qosymsha, júldegerlerdiń kitaptary belgili bir taralymmen tegin shyǵarylady.
Sonymen qatar, bir arnaıy júlde «Balalar ádebıetin damytýǵa qosqan úlesi» úshin dep atalady.
Jeńimpazdar belgili jazýshylardan quralǵan ádilqazylar alqasynyń daýys berýimen anyqtalady. Olardyń otyrysy 25 mamyr kúni ótedi.
Jeńimpazdar ústimizdegi 1 maýsymda saltanatty keshte marapattalady.
