Almatyda Halyqaralyq tsırk festıvaline 7 eldiń ónerpazdary qatysyp jatyr
ALMATY. QazAqparat - Almatyda alǵash ret halyqaralyq tsırk festıvali shymyldyǵyn ashty, dep habarlaıdy QazAqparat tilshisi.
Tsırk óneriniń festıvaline əlemniń 7 elinen ónerpazdar qatysty. Onyń ishinde Belarýs, Ýkraına, Reseı, Ózbekstan, Qyrǵyzstan bar. Qazaqstan komandasynyń quramynda Astanalyq tsırki de óner kórsetti.
«Kórermenderimiz baǵdarlama barysynda rekordtyq trıýkterge kýə bolady. Dəl osy nómirlermen bizdi əlemdik arenada óner kórsetýge shaqyrǵan. Almaty tsırkiniń eń jas ərtisi Anastasııa Demıdova óz baǵdarlamasymen Monte Karloǵa shaqyrtý aldy. Bul tsırk artısteri úshin Oskar júldesine qatysqanmen birdeı. Festıval aıasynda buǵan deıin bolmaǵan qoıylymdardy qazaqstandyqtar alǵash ret tamashalaıdy», - dedi «Astanalyq tsırk» rejısseri Horlan Janmyrzaeva.
Festıvaldiń eń úzdik ónerpazdary əýe gımnastary, sıgveıde oınaıtyn ekvılıbrıster, kúldirgi saıqymazaqtar, barys pen kógershin qatysqan qoıylymdar kórermendi tańdaı qaqtyrdy. Əsirese sıqyrly kórinis adamnyń ańǵa aınalatyn səti kelýshilerdiń erekshe nazaryn aýdartty. Festıval tamyz aıynyń 19-na deıin jalǵasady.
