Almatyda halyqaralyq «Bolat Turlyhanov Kýbogi» ótedi
NUR-SULTAN. QazAqparat - Almatyda 25-26 mamyr kúnderi grek-rım kúresinen dástúrli halyqaralyq «Bolat Turlyhanov Kýbogi» ótedi, dep habarlaıdy QazAqparat tilshisi.
Esterińizge sala keteıik, atalǵan týrnırdiń alǵash ret 1994 jyly jalaýy jelbiregen bolatyn. Bıyl mine, jıyrma besinshi ret ótkeli otyr.
Búkilálemdik kúres keńesiniń (UWW) kúntizbesine engizilgen «Bolat Turlyhanov Kýbogi» tek olımpıadalyq alty salmaqta (59, 67, 77, 87, 97 jáne 130 keli) ótedi.
Bıylǵy dúbirli dodaǵa elimizdiń úzdik balýandarymen qosa grek-rım kúresinde álemde kóshbasshy elder sanalatyn Reseı, Iran, Koreıa, Armenııa, Belarýs, Qyrǵystan, Ózbekstan jáne taǵyda ózge elderdiń kúres sheberleri qatysady.
Búkilálemdik kúres keńesiniń (UWW) resmı saıtynyń habarlaýynsha, týrnırdiń jeńimpazdary men júldegerlerine medaldar men dıplomdardan bólek, arnaıy qarjylaı syıaqy beriledi.
Aıta keteıik, Bolat Turlyhanov - Qazaq SSR-nyń eńbek sińirgen jattyqtyrýshysy. Semeı óńirinde dúnıege kelip, 1956 jyly Qazaq dene shynyqtyrý ınstıtýtyn támamdaǵan. Sanaly ǵumyrynda talaı saqa balýandardy baptap, qazaq palýandarynyń jeńiske degen jigerin janyǵan, aldyǵa bıik maqsat qoıa bilip, asqaq armanǵa jetýlerine zor úles qosqan tulǵa.
