Almatyda Halyqaralyq áıelder kúnine arnalǵan merekelik kontsert ótti

dep habarlaıdy QazAqparat.

Merekelik sharaǵa Almaty qalasyndaǵy ár salada qyzmet etip júrgen áıelder qaýymynyń ókilderi shaqyrylǵan. Jıyndy qala ákimi Ahmetjan Esimov quttyqtady. «Kóktem mezgiliniń osyndaı aıtýly merekemen bastalýy búkil álem moıyndap, ózgermesteı qalyptasqan dástúrge aınaldy. Sizder ómirge nár berip, otbasynyń baq-berekesi men jylýyn saqtap, urpaqty-urpaqqa jalǵastyratyn ardaqty da, abzal jandarsyńdar. Búgin táýelsiz elimizdiń órken jaıyp, kúlli álemdi ózine qarata bastaǵan Qazaqstannyń bedeldi qaıratkerleriniń bir qatary áıelder qaýymy. Sizderge órkendeýimiz ben ósý jolyndaǵy qosqan úlesterińiz úshin shyn júrekten rızashylyǵymdy bildiremin», dedi A.Esimov óz sózinde

Kontsert baǵdarlamasynda ánshiler áıelderdi quttyqtap, áıel esimderi atalatyn ánderdi oryndady.

Atalmysh merekelik án keshinde Nurlan Alban, Aqjol Meıirbekov, Aıgúl Babaeva, «Úrker», «Kaspıı» toptary án saldy.

«Jalpy, Ana degen uǵymnyń aty da, zaty da artyq ekeni barlyq janǵa belgili. Bizdiń qoǵam analarymyzdy ardaqtap, aıalap, oǵan arnaıy osyndaı keremet shara uıymdastyryp, analarymyzdyń kóńilin taýyp, osy halyqaralyq merekeni óz dárejesinde ótkizip jatqandyǵy analarǵa degen qurmet dep bilemin», deıdi fılologııa ǵylymdarynyń kandıdaty, «Memlekettik til» qoǵamdyq qozǵalysy tóraǵasynyń orynbasary Asyly Osman.