Almatyda Halyqaralyq áıelder kúni merekesine arnalǵan is-shara ótti
«Bizdiń merekeniń basty maqsaty - balalarǵa merekelik kóńil-kúı syılap, ózara syılastyq atmosferasyn qalyptastyrý. Balalardy Halyqaralyq áıelder kúni merekesimen tanystyrý, balalardyń shyǵarmashylyǵyn, sóıleý mádenıetin, kórkemdik oryndaýshylyq sheberlikterin damytý bolyp tabylady. Іs-sharaǵa 20 adam qatysty. Sondaı-aq, bizdiń merekege balalarymyz ózderiniń súıikti kitaptaryn oqýǵa baratyn №30 ortalyqtandyrylǵan kitaphanadan qonaqtar qatysty»,- deıdi «Apelsın» demalys ortalyǵynyń meńgerýshisi Lıýdmıla Kolesnıkova.
Merekelik keshtiń barysynda balalar ásem ánder aıtyp, bı bılep, sahnalandyrylǵan «Podsnejnık» qoıylymyn, qýyrshaq teatrynyń «Anama syılyq» ertegisin, 8 naýryz merekesine arnalǵan fleshmob uıymdastyrdy.
Balalar óz qoldarynan shyqqan óner týyndylaryn ana, ájelerine syıǵa tartty. Atap aıtqanda, kishi toptyń balalary «Hend Meı» úıirmesinde jasalǵan monshaqpen bezendirilgen qar búrshikterin, al úlken toptyń balalary «Valıanııa» tehnıkasymen júnnen daıyndalǵan keremet aıýlardy syılady.
Qýanyshtary qoınyna syımaǵan analar óz qýanyshtarymen bólisti.
«Merekelik kesh maǵan óte unady. Barlyq balalar úlken daıyndyqpen kelgen. Sahnada da óz rólderin jaqsy oınap shyqty. Ádemi bı bılep, óleńder oqydy. Óte qyzyqty ótken keshti uıymdastyrǵany úshin ortalyqtyń meńgerýshisi Lıýdmıla Petrovna men keshke qatysqan barlyq balalarǵa sheksiz alǵysymdy aıtamyn», - dedi Malysheva Anastasııa.
«Men osy keshke qatysqanyma óte qýanyshtymyn. Kesh merekelik kóńil-kúıde, jaqsy ótti. Balalardyńqýanyshynda shek joq. Analar men apalar da qýanyshty. Balalardyń óz qoldarynan shyqqan syılyqtary da keremet», - dedi analardyń biri Ásel Qalıeva.
